======

ျမင့္ေဆြဆုိၿပီး ပ်ံ႔ႏွံ႔ေနတဲ့ပုံက လူသတ္ဖို႔လာခုိင္းတဲ့ ေအာင္ဝင္းေဇာ္ျဖစ္ေန

"ေဖ့စ္ဘြတ္ခ္ေပၚ ျမင့္ေဆြဆုိၿပီး ပ်ံ႔ႏွံ႔ေနတဲ့ပုံက လူသတ္ဖို႔လာခုိင္းတဲ့
ေအာင္ဝင္းေဇာ္ျဖစ္တယ္" – ကိုေအာင္စုိး
----- ----- -----
ေဖ့စ္ဘြတ္ေပၚမွာ အက်ႌအဝါဝတ္ထားတဲ့ အမ်ိဳးသမီးနဲ႔ တြဲ႐ုိက္ထားတဲ့ ျမင့္ေဆြ ဆိုသူဟာ လူသတ္ေပးဖို႔ လာခိုင္းတဲ့ ေအာင္၀င္းေဇာ္ ျဖစ္တယ္လို႔ အငွားခံရသူ ကိုေအာင္စိုးက ဒီေန႔ပဲ ရဲကို ေျပာျပလိုက္ပါၿပီ။

ရန္ကုန္တိုင္းရဲတပ္ဖြဲ႔က ကိုေအာင္စိုးကို ေခၚယူၿပီး လူသတ္ဖို႔ လာခိုင္းသူဟာ ဒီလူ ဟုတ္ မဟုတ္ ေမးျမန္းတာျဖစ္ၿပီး သူက အတည္ျပဳေပးလိုက္တယ္လို႔ ကိုေအာင္စိုးက ေျပာပါတယ္။

“ရဲက အဲဒီဓာတ္ပံုရတာ မဟုတ္ဘူးဗ်။ အဲဒါ ကိုေဆြ၀င္းတို႔က ဒီေကာင့္ အေကာင့္ကို ဟက္ လိုက္တာ၊ ဟက္ လိုက္တာမွာ အဲဒီ ဓာတ္ပံု ထြက္လာတာ။ ပံုရလာေတာ့ အဲဒါ ေအာင္၀င္းေဇာ္ပဲလို႔ က်ေနာ္ အတည္ျပဳ ေပးလိုက္တာ။”

ေအာင္၀င္းေဇာ္ဟာ ၂၀၁၆ ခုႏွစ္၊ ၆လပိုင္း ရက္ ၂၀ ၀န္းက်င္ေလာက္မွာ ကိုေအာင္စိုးေနထိုင္တဲ့ အင္းစိန္ကို ေရာက္လာၿပီး ႏိုင္ငံျခားသံတမန္တေယာက္ကို သတ္ေပးရမယ္ ဆိုၿပီး ေငြေၾကးနဲ႔ လာငွားတာျဖစ္ပါတယ္။

သူတို႔ႏွစ္ဦးဟာ မႏၱေလး၊ အိုးဘိုေထာင္ထဲမွာ ေတြ႔ဆံုခဲ့ၾကတာျဖစ္ၿပီး ကိုေအာင္စိုးဟာ သေဘာထားတင္းမာသူျဖစ္လို႔ လာငွားပံုရတယ္လို႔ မွတ္ခ်က္ေပး ေျပာပါတယ္။

ကိုေအာင္စိုးကို ဒီဗီြဘီက ဆက္သြယ္ေမးျမန္းထားပါတယ္။

ေမး – ကိုေအာင္စိုးေရ… က်ေနာ္တို႔ ဒီဗီြဘီသတင္းဌာနကပါ။

ေျဖ – ဟုတ္ကဲ့ ေျပာပါခင္ဗ်ာ။

ေမး – ကိုေအာင္စိုးကို ဒီေန႔ ရဲခ်ဳပ္က ေခၚေတြ႔တယ္ ၾကားလို႔ပါ ခင္ဗ်ာ။

ေျဖ – ရဲခ်ဳပ္မဟုတ္ဘူး။ ရန္ကုန္တုိင္း ရဲမႉးခ်ဳပ္ပါ။

ေမး – ဘယ္သူလဲ ခင္ဗ်။

ေျဖ – ကိုဝင္းႏိုင္ပါ။

ေမး – ဟုတ္ကဲ့။ ကိုေအာင္စိုးကို သူက အဓိက ဘာေမးတာလဲ။

ေျဖ – သူတို႔က က်ေနာ့္ကို ေခၚယူစစ္ေဆးေမးျမန္းတဲ့သေဘာမ်ဳိး မဟုတ္ဘူးဗ်။ အကူအညီ ေခၚေတာင္းတဲ့ သေဘာနဲ႔ ေတြ႔ဆံုေမးျမန္းတာပါ။

ေမး – ဘာေတြ ေမးလဲဗ်။

ေျဖ – လက္ရွိျဖစ္သြားတဲ့ ကိစၥနဲ႔ပတ္သက္ၿပီးေတာ့ က်ေနာ္ အတည္ျပဳေပးရတာေလးေတြ ရွိတယ္။ ေနာက္တခုက က်ေနာ့္ကို သိသေလာက္ အေၾကာင္းအရာေလးေတြ ေမးတဲ့အခါ အေသးစိတ္ ရွင္းျပေပးရတာပါ။ ဒါပါပဲ။ စာထဲမွာပါတဲ့ အေၾကာင္းအရာေတြပါပဲ။

ေမး – ကိုေဆြဝင္းကို ေျပာျပထားတာေတြ ျပန္ေမးတာေပါ့။

ေျဖ – ဟုတ္ကဲ့။ ကာယကံရွင္ကို အတည္ျပဳတဲ့သေဘာမ်ဳိးေပါ့ ေမးတာ။

ေမး – ကိုေအာင္စိုး နည္းနည္းေျပာျပေပးပါလား ခင္ဗ်။ အဲဒီလူက ကိုေအာင္စိုးက လာ ကမ္းလွမ္းတာ ဘယ္အခ်ိန္ေလာက္ကလဲဆိုတာ က်ေနာ္တို႔ကို နည္းနည္းေျပာျပေပးပါလား။

ေျဖ – ဟုတ္ကဲ့။ က်ေနာ့္ကို လာကမ္းလွမ္းစဥ္တုန္းက ၂၀၁၆ ခုႏွစ္ ၆ လပိုင္း ၂၀ ရက္ ဝန္းက်င္ေလာက္ကဗ်။

ေမး – ဘယ္သူက လာကမ္းလွမ္းတာလဲ ခင္ဗ်။

ေျဖ – ဘက ေခၚ ေအာင္ဝင္းေဇာ္ေပါ့ေနာ္။ အခု ျမင့္ေဆြလို႔ လိုင္းေပၚမွာ ပံုတက္ေနတဲ့လူေပါ့။ သူက လာကမ္းလွမ္းတာ။ က်ေနာ္ကေတာ့ စာအုပ္ထဲမွာ ဖုန္းနံပါတ္ေတြ႔လို႔ ဖုန္းလွမ္းဆက္တယ္လို႔ ထင္တာ။ မဟုတ္ဘူးဗ်။ သူက က်ေနာ့္ေနရာကို လိုက္လာတာ။ လိုက္လာတဲ့အေၾကာင္းကလည္း အရင္တုန္းက မႏၲေလးေထာင္မွာ ေနခဲ့တုန္းက တေယာက္နဲ႔တေယာက္ စကားေျပာဆို ဆက္ဆံဖူးတယ္ေလ။ သူက ရန္ကုန္ၿမိဳ႕ ေယာက္လမ္းမွာ ေနတယ္။ က်ေနာ္က အင္းစိန္၊ —-လမ္းမွာ ေနတယ္ဆိုတဲ့ စကားလံုးေတြ ေျပာခဲ့ဖူးတယ္။ ေျပာခဲ့ဖူးေတာ့ အဲဒီစကားလံုးနဲ႔ သူက လိုက္လာတာ။ ေနာက္တခုက သူ က်ေနာ့္ကို ဒီလို ငွားရမ္းတယ္ဆိုတာ ေထာင္ထဲမွာေနတုန္းက က်ေနာ္က သေဘာထားတင္းမာတယ္ေလ။ တင္းမာတယ္ဆိုတာက အာဏာပိုင္အေပၚရယ္၊ အက်ဥ္းသားအုပ္ခ်ဳပ္ေရးေတြအေပၚရယ္ က်ေနာ္က တင္းမာတယ္။ အာဏာပိုင္ကို ကြၽန္မခံဘူး။ အဲဒီေတာ့ က်ေနာ့္ကို သံုးလို႔ရမယ္ထင္ၿပီးေတာ့ လာငွားတာပါ။ ဦးကိုနီကို သတ္ဖို႔ရယ္လုိ႔ လာငွားတာ မဟုတ္ဘူး။ ႏိုင္ငံျခားသံတမန္တေယာက္ကို သတ္ေပးရမယ္။ လက္ရွိ သိန္း ၃၀၀ ပါတယ္။ ခင္ဗ်ား ၅၀၀၊ ၁၀၀၀ ယူမလား။ ေလာေလာဆယ္ ခင္ဗ်ား ေသနတ္နဲ႔ ေဝးေနေတာ့ ေသနတ္ပစ္ ေလ့က်င့္ဖို႔အတြက္ ေတာထဲကို လိုက္ခဲ့ရမယ္။ ဒီေကဘီေအကို ေခၚသြားမယ္။ ဒါ သူ ေျပာတဲ့စကားေနာ္။ ေသနတ္ပစ္ေလ့က်င့္ၿပီး ျပန္လာရမယ္။ အလုပ္လုပ္ၿပီးလို႔ၿပီးရင္ တခါ က်ေနာ့္ကို ေတာထဲကို ျပန္ေခၚသြားမယ္။ အဲဒီမွာ ခဏေအာင္းေနရမယ္။ ၿမိဳ႕ေပၚမွာ သူတုိ႔ အစားထိုးတေယာက္ကို ထိုးေကြၽးလိုက္မယ္။ အဲဒီလို က်ေနာ့္ကို ေျပာပါတယ္။ ဒါေပမယ့္ က်ေနာ္ လက္မခံခဲ့ဘူး။

ေမး – လက္မခံေတာ့ ေနာက္ သူ လာၿပီး ထပ္ဆက္သြယ္ေသးလားခင္ဗ်။

ေျဖ – ေနာက္ထပ္ က်ေနာ့္ကို ၃ ႀကိမ္ေလာက္ ဖုန္းဆက္ပါတယ္။ က်ေနာ္က လက္မခံခ်င္တဲ့ အမူအရာမ်ဳိး အျပဳအမူမ်ဳိး ရွိလာတာေၾကာင့္ ေနာက္ထပ္ က်ေနာ့္ကို မဆက္သြယ္ေတာ့ပါဘူး။

ေမး – အဲေတာ့ ဒီေန႔က ရန္ကုန္တိုင္းရဲကို ကိုေအာင္စိုး အဲဒါေတြ ေျပာျပခဲ့တာေပါ့။

ေျဖ – အဲဒီအေၾကာင္းအရာေတြ က်ေနာ္အေသးစိတ္ အကုန္လံုး ေျပာျပခဲ့ပါတယ္။

ေမး – အဲေတာ့ အဲဒီလူက နဂိုတုန္းက ကိုေအာင္စိုးတို႔နဲ႔ ေထာင္ထဲမွာ ရွိတုန္းကေရာ သူကဘာလုပ္လဲ ခင္ဗ်။

ေျဖ – က်ေနာ္သိသေလာက္ကေတာ့ သူ႔ရဲ႕ သမိုင္းေၾကာင္းေပါ့ေနာ္။ သူက ဟိုးအရင္ ကတည္းက တပ္မေတာ္က အရာရွိတေယာက္လို႔ ၂ ပြင့္လို႔ ေျပာပါတယ္။ မိန္းမ ကိစၥနဲ႔ ေထာင္က်ဖူးတယ္ေျပာပါတယ္။ အဲဒါ ပထမအႀကိမ္။ က်န္တဲ့ဒုတိယအႀကိမ္ကေတာ့ ဘုရားခိုးမႈနဲ႔ ေထာင္က်တယ္။

ေမး – သူ႔စ႐ိုက္လကၡဏာက ဘယ္လိုရွိလဲ ေထာင္ထဲမွာ ေတြ႔ခဲ့တုန္းက။

ေျဖ – သူ႔ရဲ႕ စ႐ိုက္လကၡဏာက သူကအရပ္ ၆ ေပခန္႔ရွိတယ္။ ပိန္ပိန္ရွည္ရွည္နဲ႔ မ်က္ႏွာခ်ဳိတယ္။ ႏႈတ္ခ်ဳိတယ္ ။ အတြင္းေကာက္တယ္။ ေငြရရင္ ဘာမဆို လုပ္မယ့္ လူမ်ဳိးပါပဲ။

ေမး – အခုကိုေအာင္စိုးကို လာကမ္းလွမ္းတာက သူ႔ကိုေနာက္ကြယ္က ကမ္းလွမ္းတာက သူကိုယ္တိုင္ကပဲ လာကမ္းလွမ္းတာလား၊ ကိုေအာင္စိုး ဘယ္လိုခန္႔မွန္းမိလဲ။

ေျဖ – သူ႔ေနာက္ကြယ္မွာ က်ေန္ာတို႔ မသိႏိုင္တဲ့ အဖြဲ႔တခုရွိကို ရွိႏိုင္တယ္။ ဘယ္သူဘယ္၀ါဆိုတာ ဘာမွ မေျပာဘူး။ ဘာအဖြဲ႔အစည္းဆိုတာလည္း မေျပာဘူး။

ေမး – အဲေတာ့ ကိုေအာင္စိုး အခုလို မီဒီယာကို ေျပာတယ္၊ က်ေနာ္တို႔ကိုလည္းေျပာတယ္၊ အခုရဲေတြကိုလည္း သြားေျပာေတာ့ ကိုေအာင္စိုး လံုၿခံဳေရးအတြက္္ မစိုးရိမ္ဘူးလား။

ေျဖ – က်ေနာ့္လံုၿခံဳေရးလား၊ က်ေနာ့္ လံုၿခံဳေရးကေတာ့ ေဟာင္းေလာင္းပါပဲဗ်ာ။ က်ေနာ္လည္း မေၾကာက္ပါဘူး။ မေၾကာက္ပါဘူးဆိုတာက က်ေနာ့္ကို ဘယ္သူက ဘာလာလုပ္မွာလဲ။ က်ေနာ့္လာ ပစ္မွာလား၊ ဓားနဲ႔လာခုတ္မွာလား၊ တတ္ႏိုင္သေလာက္ေတာ့ ခုခံကာကြယ္ တိုက္ခိုက္ရမွာ ဒါပါပဲ။ ဘယ္သူမွမွ မရွိတာ။ က်ေနာ္တို႔ လင္မယားႏွစ္ေယာက္ပဲ ရွိတာ။

ေမး – ဟုတ္ကဲ့။ ကိုေအာင္စိုး အခုရဲနဲ႔ ေတြ႔ေတာ့ေရာ ရဲေတြက သူတို႔လံုၿခံဳေရးယူေပးမယ္တို႔ ဘာတို႔ မေျပာဘူးလားခင္ဗ်။

ေျဖ – အဲဒီအေၾကာင္းအရာနဲ႔ ပတ္သက္ၿပီး က်ေနာ္တို႔ စကားမေျပာျဖစ္ၾကပါဘူး။

ေမး – ေျပာကို မေျပာျဖစ္ဘူးေပါ့ေနာ္။ ခုနက ကိုေအာင္စိုး ေျပာတဲ့ ဗိုလ္ျပဳတ္အေၾကာင္းပဲ အဓိက ထားၿပီးေျပာခဲ့တာေပါ့။

ေျဖ – ဟုတ္ကဲ့ အဓိက က်ေနာ္အဲဒါကိုအတည္ျပဳခ်င္တာ။ ဆိုလိုတဲ့သေဘာက လိုင္းေပၚမွာေတြ႔ေနတဲ့ ျမင့္ေဆြ ဆိုတာ ျမင့္ေဆြမဟုတ္ဘူး။ အဲဒါ ေအာင္၀င္းေဇာ္(ေခၚ) ဘကန္႔ပဲ။ ဘယ္နာမည္က အစစ္အမွန္လဲဆိုတာ က်ေနာ္မသိဘူး။ ေထာင္ထဲမွာေတာ့ က်ေနာ္တို႔ေခၚတာ ဘကန္႔(ေခၚ) ေအာင္၀င္းေဇာ္ပဲ။ အခု ပံုမွာတက္ေနတာ ျမင့္ေဆြ လို႔ေျပာတယ္။

ေမး – လူပံုစံက တူလား။ အခုရဲက ဓာတ္ပံုေတြဘာေတြ ရထားတယ္ေျပာတယ္။ တူလား။

ေျဖ – အဲဒါ ရဲက ဓာတ္ပံုရတာ မဟုတ္ဘူးဗ်။ အဲဒါက ကိုေဆြ၀င္းတို႔ ဒီေကာင့္အေကာင့္ကို ဟက္လိုက္တာ။ ဟက္လိုက္တာ ဓာတ္ပံုထြက္လာတာ။ အခ်ိန္မီေလး ဟက္လိုက္တာ။ ဒီကလည္း ဟက္ၿပီးေရာ ဒီေကာင္ ဖ်က္လိုက္တာ။ ပံုရလာေတာ့ အဲဒီပံုကို ေအာင္၀င္းေဇာ္ဆိုၿပီး က်ေနာ္ အတည္ျပဳေပးလိုက္တာ။

ေမး – ကိုေအာင္စိုး အတည္ျပဳေပးလိုက္ႏိုင္ၿပီေပါ့ေနာ္။ ဒီလူဟာ ျမင့္ေဆြမဟုတ္ဘူး အဲဒီဗိုလ္ျပဳတ္ ေအာင္၀င္းေဇာ္ဆိုတာ အတည္ျပဳလိုက္ႏိုင္ၿပီေပါ့ေနာ္။

ေျဖ – ဟုတ္ကဲ့။

ေမး – ကိုေအာင္စိုး အခုလိုထြက္ၿပီးေတာ့ ေျပာတာ အဓိကက ဘာျဖစ္ေစခ်င္တာလဲ။ အမွန္တရား ေပၚေပါက္ေစခ်င္လို႔လား။

ေျဖ – ဟာ ခင္ဗ်ား ဒီေကာင္ေတြလုပ္တဲ့ ပံုစံက တိုင္းျပည္ကို တစစီျဖစ္ေအာင္လုပ္ေနတာပဲ။ ဒါ ဘာသာေရး၊ လူမ်ဳိးေရး၊ ႏိုင္ငံေရး ရႈပ္ယွက္ခတ္သြားေအာင္ လုပ္တာပဲ။ တစစီျဖစ္သြားေအာင္လုပ္တာ အဲဒါကို က်ေနာ္လက္မခံဘူး။ ႏိုင္ငံက အခုမွ စည္ပင္ဖြံ႔ၿဖိဳးကာစေလး၊ စၿပီးေတာ့ လုပ္မယ္ႀကံကာရွိေသးတယ္ ဒီေကာင္ေတြ ဒါဖ်က္ဆီးပစ္တာ က်ေနာ္ဒါ လံုး၀လက္မခံဘူး။ က်ေနာ္ကိုယ္တိုင္က တခ်ိန္တုန္းက ဒုစ႐ိုက္ေလာကသား ျဖစ္ခဲ့ဖူးေပမယ့္ ဒုစ႐ိုက္ေလာကသား စစ္စစ္မဟုတ္ဘူး။ မေကာင္းမႈကို လုပ္မယ့္သာ လုပ္ခဲ့ဖူးတာ။ က်ေနာ္က မေကာင္းမႈကို သိပ္ႏွစ္ၿခိဳက္တဲ့သူမဟုတ္ဘူး။ လက္မခံဘူး။

ေမး – ကိုေအာင္စိုး အခုလက္ရွိဘာလုပ္ေနလဲ။

ေျဖ – က်ေနာ္လက္ရွိ ဆံပင္ညႇပ္စားေနပါတယ္။

DVB (2 February 2017)
=============

Unicode>>>
"ဖေ့စ်ဘွတ်ခ်ပေါ် မြင့်ဆွေဆိုပြီး ပျံ့နှံ့နေတဲ့ပုံက လူသတ်ဖို့လာခိုင်းတဲ့
အောင်ဝင်းဇော်ဖြစ်တယ်" – ကိုအောင်စိုး
----- ----- -----
ဖေ့စ်ဘွတ်ပေါ်မှာ အကျႌအဝါဝတ်ထားတဲ့ အမျိုးသမီးနဲ့ တွဲရိုက်ထားတဲ့ မြင့်ဆွေ ဆိုသူဟာ လူသတ်ပေးဖို့ လာခိုင်းတဲ့ အောင်ဝင်းဇော် ဖြစ်တယ်လို့ အငှားခံရသူ ကိုအောင်စိုးက ဒီနေ့ပဲ ရဲကို ပြောပြလိုက်ပါပြီ။

ရန်ကုန်တိုင်းရဲတပ်ဖွဲ့က ကိုအောင်စိုးကို ခေါ်ယူပြီး လူသတ်ဖို့ လာခိုင်းသူဟာ ဒီလူ ဟုတ် မဟုတ် မေးမြန်းတာဖြစ်ပြီး သူက အတည်ပြုပေးလိုက်တယ်လို့ ကိုအောင်စိုးက ပြောပါတယ်။

“ရဲက အဲဒီဓာတ်ပုံရတာ မဟုတ်ဘူးဗျ။ အဲဒါ ကိုဆွေဝင်းတို့က ဒီကောင့် အကောင့်ကို ဟက် လိုက်တာ၊ ဟက် လိုက်တာမှာ အဲဒီ ဓာတ်ပုံ ထွက်လာတာ။ ပုံရလာတော့ အဲဒါ အောင်ဝင်းဇော်ပဲလို့ ကျနော် အတည်ပြု ပေးလိုက်တာ။”

အောင်ဝင်းဇော်ဟာ ၂၀၁၆ ခုနှစ်၊ ၆လပိုင်း ရက် ၂၀ ဝန်းကျင်လောက်မှာ ကိုအောင်စိုးနေထိုင်တဲ့ အင်းစိန်ကို ရောက်လာပြီး နိုင်ငံခြားသံတမန်တယောက်ကို သတ်ပေးရမယ် ဆိုပြီး ငွေကြေးနဲ့ လာငှားတာဖြစ်ပါတယ်။

သူတို့နှစ်ဦးဟာ မန္တလေး၊ အိုးဘိုထောင်ထဲမှာ တွေ့ဆုံခဲ့ကြတာဖြစ်ပြီး ကိုအောင်စိုးဟာ သဘောထားတင်းမာသူဖြစ်လို့ လာငှားပုံရတယ်လို့ မှတ်ချက်ပေး ပြောပါတယ်။

ကိုအောင်စိုးကို ဒီဗွီဘီက ဆက်သွယ်မေးမြန်းထားပါတယ်။

မေး – ကိုအောင်စိုးရေ… ကျနော်တို့ ဒီဗွီဘီသတင်းဌာနကပါ။

ဖြေ – ဟုတ်ကဲ့ ပြောပါခင်ဗျာ။

မေး – ကိုအောင်စိုးကို ဒီနေ့ ရဲချုပ်က ခေါ်တွေ့တယ် ကြားလို့ပါ ခင်ဗျာ။

ဖြေ – ရဲချုပ်မဟုတ်ဘူး။ ရန်ကုန်တိုင်း ရဲမှူးချုပ်ပါ။

မေး – ဘယ်သူလဲ ခင်ဗျ။

ဖြေ – ကိုဝင်းနိုင်ပါ။

မေး – ဟုတ်ကဲ့။ ကိုအောင်စိုးကို သူက အဓိက ဘာမေးတာလဲ။

ဖြေ – သူတို့က ကျနော့်ကို ခေါ်ယူစစ်ဆေးမေးမြန်းတဲ့သဘောမျိုး မဟုတ်ဘူးဗျ။ အကူအညီ ခေါ်တောင်းတဲ့ သဘောနဲ့ တွေ့ဆုံမေးမြန်းတာပါ။

မေး – ဘာတွေ မေးလဲဗျ။

ဖြေ – လက်ရှိဖြစ်သွားတဲ့ ကိစ္စနဲ့ပတ်သက်ပြီးတော့ ကျနော် အတည်ပြုပေးရတာလေးတွေ ရှိတယ်။ နောက်တခုက ကျနော့်ကို သိသလောက် အကြောင်းအရာလေးတွေ မေးတဲ့အခါ အသေးစိတ် ရှင်းပြပေးရတာပါ။ ဒါပါပဲ။ စာထဲမှာပါတဲ့ အကြောင်းအရာတွေပါပဲ။

မေး – ကိုဆွေဝင်းကို ပြောပြထားတာတွေ ပြန်မေးတာပေါ့။

ဖြေ – ဟုတ်ကဲ့။ ကာယကံရှင်ကို အတည်ပြုတဲ့သဘောမျိုးပေါ့ မေးတာ။

မေး – ကိုအောင်စိုး နည်းနည်းပြောပြပေးပါလား ခင်ဗျ။ အဲဒီလူက ကိုအောင်စိုးက လာ ကမ်းလှမ်းတာ ဘယ်အချိန်လောက်ကလဲဆိုတာ ကျနော်တို့ကို နည်းနည်းပြောပြပေးပါလား။

ဖြေ – ဟုတ်ကဲ့။ ကျနော့်ကို လာကမ်းလှမ်းစဉ်တုန်းက ၂၀၁၆ ခုနှစ် ၆ လပိုင်း ၂၀ ရက် ဝန်းကျင်လောက်ကဗျ။

မေး – ဘယ်သူက လာကမ်းလှမ်းတာလဲ ခင်ဗျ။

ဖြေ – ဘက ခေါ် အောင်ဝင်းဇော်ပေါ့နော်။ အခု မြင့်ဆွေလို့ လိုင်းပေါ်မှာ ပုံတက်နေတဲ့လူပေါ့။ သူက လာကမ်းလှမ်းတာ။ ကျနော်ကတော့ စာအုပ်ထဲမှာ ဖုန်းနံပါတ်တွေ့လို့ ဖုန်းလှမ်းဆက်တယ်လို့ ထင်တာ။ မဟုတ်ဘူးဗျ။ သူက ကျနော့်နေရာကို လိုက်လာတာ။ လိုက်လာတဲ့အကြောင်းကလည်း အရင်တုန်းက မန္တလေးထောင်မှာ နေခဲ့တုန်းက တယောက်နဲ့တယောက် စကားပြောဆို ဆက်ဆံဖူးတယ်လေ။ သူက ရန်ကုန်မြို့ ယောက်လမ်းမှာ နေတယ်။ ကျနော်က အင်းစိန်၊ —-လမ်းမှာ နေတယ်ဆိုတဲ့ စကားလုံးတွေ ပြောခဲ့ဖူးတယ်။ ပြောခဲ့ဖူးတော့ အဲဒီစကားလုံးနဲ့ သူက လိုက်လာတာ။ နောက်တခုက သူ ကျနော့်ကို ဒီလို ငှားရမ်းတယ်ဆိုတာ ထောင်ထဲမှာနေတုန်းက ကျနော်က သဘောထားတင်းမာတယ်လေ။ တင်းမာတယ်ဆိုတာက အာဏာပိုင်အပေါ်ရယ်၊ အကျဉ်းသားအုပ်ချုပ်ရေးတွေအပေါ်ရယ် ကျနော်က တင်းမာတယ်။ အာဏာပိုင်ကို ကျွန်မခံဘူး။ အဲဒီတော့ ကျနော့်ကို သုံးလို့ရမယ်ထင်ပြီးတော့ လာငှားတာပါ။ ဦးကိုနီကို သတ်ဖို့ရယ်လို့ လာငှားတာ မဟုတ်ဘူး။ နိုင်ငံခြားသံတမန်တယောက်ကို သတ်ပေးရမယ်။ လက်ရှိ သိန်း ၃၀၀ ပါတယ်။ ခင်ဗျား ၅၀၀၊ ၁၀၀၀ ယူမလား။ လောလောဆယ် ခင်ဗျား သေနတ်နဲ့ ဝေးနေတော့ သေနတ်ပစ် လေ့ကျင့်ဖို့အတွက် တောထဲကို လိုက်ခဲ့ရမယ်။ ဒီကေဘီအေကို ခေါ်သွားမယ်။ ဒါ သူ ပြောတဲ့စကားနော်။ သေနတ်ပစ်လေ့ကျင့်ပြီး ပြန်လာရမယ်။ အလုပ်လုပ်ပြီးလို့ပြီးရင် တခါ ကျနော့်ကို တောထဲကို ပြန်ခေါ်သွားမယ်။ အဲဒီမှာ ခဏအောင်းနေရမယ်။ မြို့ပေါ်မှာ သူတို့ အစားထိုးတယောက်ကို ထိုးကျွေးလိုက်မယ်။ အဲဒီလို ကျနော့်ကို ပြောပါတယ်။ ဒါပေမယ့် ကျနော် လက်မခံခဲ့ဘူး။

မေး – လက်မခံတော့ နောက် သူ လာပြီး ထပ်ဆက်သွယ်သေးလားခင်ဗျ။

ဖြေ – နောက်ထပ် ကျနော့်ကို ၃ ကြိမ်လောက် ဖုန်းဆက်ပါတယ်။ ကျနော်က လက်မခံချင်တဲ့ အမူအရာမျိုး အပြုအမူမျိုး ရှိလာတာကြောင့် နောက်ထပ် ကျနော့်ကို မဆက်သွယ်တော့ပါဘူး။

မေး – အဲတော့ ဒီနေ့က ရန်ကုန်တိုင်းရဲကို ကိုအောင်စိုး အဲဒါတွေ ပြောပြခဲ့တာပေါ့။

ဖြေ – အဲဒီအကြောင်းအရာတွေ ကျနော်အသေးစိတ် အကုန်လုံး ပြောပြခဲ့ပါတယ်။

မေး – အဲတော့ အဲဒီလူက နဂိုတုန်းက ကိုအောင်စိုးတို့နဲ့ ထောင်ထဲမှာ ရှိတုန်းကရော သူကဘာလုပ်လဲ ခင်ဗျ။

ဖြေ – ကျနော်သိသလောက်ကတော့ သူ့ရဲ့ သမိုင်းကြောင်းပေါ့နော်။ သူက ဟိုးအရင် ကတည်းက တပ်မတော်က အရာရှိတယောက်လို့ ၂ ပွင့်လို့ ပြောပါတယ်။ မိန်းမ ကိစ္စနဲ့ ထောင်ကျဖူးတယ်ပြောပါတယ်။ အဲဒါ ပထမအကြိမ်။ ကျန်တဲ့ဒုတိယအကြိမ်ကတော့ ဘုရားခိုးမှုနဲ့ ထောင်ကျတယ်။

မေး – သူ့စရိုက်လက္ခဏာက ဘယ်လိုရှိလဲ ထောင်ထဲမှာ တွေ့ခဲ့တုန်းက။

ဖြေ – သူ့ရဲ့ စရိုက်လက္ခဏာက သူကအရပ် ၆ ပေခန့်ရှိတယ်။ ပိန်ပိန်ရှည်ရှည်နဲ့ မျက်နှာချိုတယ်။ နှုတ်ချိုတယ် ။ အတွင်းကောက်တယ်။ ငွေရရင် ဘာမဆို လုပ်မယ့် လူမျိုးပါပဲ။

မေး – အခုကိုအောင်စိုးကို လာကမ်းလှမ်းတာက သူ့ကိုနောက်ကွယ်က ကမ်းလှမ်းတာက သူကိုယ်တိုင်ကပဲ လာကမ်းလှမ်းတာလား၊ ကိုအောင်စိုး ဘယ်လိုခန့်မှန်းမိလဲ။

ဖြေ – သူ့နောက်ကွယ်မှာ ကျနေ်ာတို့ မသိနိုင်တဲ့ အဖွဲ့တခုရှိကို ရှိနိုင်တယ်။ ဘယ်သူဘယ်ဝါဆိုတာ ဘာမှ မပြောဘူး။ ဘာအဖွဲ့အစည်းဆိုတာလည်း မပြောဘူး။

မေး – အဲတော့ ကိုအောင်စိုး အခုလို မီဒီယာကို ပြောတယ်၊ ကျနော်တို့ကိုလည်းပြောတယ်၊ အခုရဲတွေကိုလည်း သွားပြောတော့ ကိုအောင်စိုး လုံခြုံရေးအတွက်် မစိုးရိမ်ဘူးလား။

ဖြေ – ကျနော့်လုံခြုံရေးလား၊ ကျနော့် လုံခြုံရေးကတော့ ဟောင်းလောင်းပါပဲဗျာ။ ကျနော်လည်း မကြောက်ပါဘူး။ မကြောက်ပါဘူးဆိုတာက ကျနော့်ကို ဘယ်သူက ဘာလာလုပ်မှာလဲ။ ကျနော့်လာ ပစ်မှာလား၊ ဓားနဲ့လာခုတ်မှာလား၊ တတ်နိုင်သလောက်တော့ ခုခံကာကွယ် တိုက်ခိုက်ရမှာ ဒါပါပဲ။ ဘယ်သူမှမှ မရှိတာ။ ကျနော်တို့ လင်မယားနှစ်ယောက်ပဲ ရှိတာ။

မေး – ဟုတ်ကဲ့။ ကိုအောင်စိုး အခုရဲနဲ့ တွေ့တော့ရော ရဲတွေက သူတို့လုံခြုံရေးယူပေးမယ်တို့ ဘာတို့ မပြောဘူးလားခင်ဗျ။

ဖြေ – အဲဒီအကြောင်းအရာနဲ့ ပတ်သက်ပြီး ကျနော်တို့ စကားမပြောဖြစ်ကြပါဘူး။

မေး – ပြောကို မပြောဖြစ်ဘူးပေါ့နော်။ ခုနက ကိုအောင်စိုး ပြောတဲ့ ဗိုလ်ပြုတ်အကြောင်းပဲ အဓိက ထားပြီးပြောခဲ့တာပေါ့။

ဖြေ – ဟုတ်ကဲ့ အဓိက ကျနော်အဲဒါကိုအတည်ပြုချင်တာ။ ဆိုလိုတဲ့သဘောက လိုင်းပေါ်မှာတွေ့နေတဲ့ မြင့်ဆွေ ဆိုတာ မြင့်ဆွေမဟုတ်ဘူး။ အဲဒါ အောင်ဝင်းဇော်(ခေါ်) ဘကန့်ပဲ။ ဘယ်နာမည်က အစစ်အမှန်လဲဆိုတာ ကျနော်မသိဘူး။ ထောင်ထဲမှာတော့ ကျနော်တို့ခေါ်တာ ဘကန့်(ခေါ်) အောင်ဝင်းဇော်ပဲ။ အခု ပုံမှာတက်နေတာ မြင့်ဆွေ လို့ပြောတယ်။

မေး – လူပုံစံက တူလား။ အခုရဲက ဓာတ်ပုံတွေဘာတွေ ရထားတယ်ပြောတယ်။ တူလား။

ဖြေ – အဲဒါ ရဲက ဓာတ်ပုံရတာ မဟုတ်ဘူးဗျ။ အဲဒါက ကိုဆွေဝင်းတို့ ဒီကောင့်အကောင့်ကို ဟက်လိုက်တာ။ ဟက်လိုက်တာ ဓာတ်ပုံထွက်လာတာ။ အချိန်မီလေး ဟက်လိုက်တာ။ ဒီကလည်း ဟက်ပြီးရော ဒီကောင် ဖျက်လိုက်တာ။ ပုံရလာတော့ အဲဒီပုံကို အောင်ဝင်းဇော်ဆိုပြီး ကျနော် အတည်ပြုပေးလိုက်တာ။

မေး – ကိုအောင်စိုး အတည်ပြုပေးလိုက်နိုင်ပြီပေါ့နော်။ ဒီလူဟာ မြင့်ဆွေမဟုတ်ဘူး အဲဒီဗိုလ်ပြုတ် အောင်ဝင်းဇော်ဆိုတာ အတည်ပြုလိုက်နိုင်ပြီပေါ့နော်။

ဖြေ – ဟုတ်ကဲ့။

မေး – ကိုအောင်စိုး အခုလိုထွက်ပြီးတော့ ပြောတာ အဓိကက ဘာဖြစ်စေချင်တာလဲ။ အမှန်တရား ပေါ်ပေါက်စေချင်လို့လား။

ဖြေ – ဟာ ခင်ဗျား ဒီကောင်တွေလုပ်တဲ့ ပုံစံက တိုင်းပြည်ကို တစစီဖြစ်အောင်လုပ်နေတာပဲ။ ဒါ ဘာသာရေး၊ လူမျိုးရေး၊ နိုင်ငံရေး ရှုပ်ယှက်ခတ်သွားအောင် လုပ်တာပဲ။ တစစီဖြစ်သွားအောင်လုပ်တာ အဲဒါကို ကျနော်လက်မခံဘူး။ နိုင်ငံက အခုမှ စည်ပင်ဖွံ့ဖြိုးကာစလေး၊ စပြီးတော့ လုပ်မယ်ကြံကာရှိသေးတယ် ဒီကောင်တွေ ဒါဖျက်ဆီးပစ်တာ ကျနော်ဒါ လုံးဝလက်မခံဘူး။ ကျနော်ကိုယ်တိုင်က တချိန်တုန်းက ဒုစရိုက်လောကသား ဖြစ်ခဲ့ဖူးပေမယ့် ဒုစရိုက်လောကသား စစ်စစ်မဟုတ်ဘူး။ မကောင်းမှုကို လုပ်မယ့်သာ လုပ်ခဲ့ဖူးတာ။ ကျနော်က မကောင်းမှုကို သိပ်နှစ်ခြိုက်တဲ့သူမဟုတ်ဘူး။ လက်မခံဘူး။

မေး – ကိုအောင်စိုး အခုလက်ရှိဘာလုပ်နေလဲ။

ဖြေ – ကျနော်လက်ရှိ ဆံပင်ညှပ်စားနေပါတယ်။

DVB (2 February 2017)

Admin Apann Pyay

ApannPyay Website ေပၚတြင္ ေဖာ္ျပတင္ဆက္ေသာ သတင္း၊ ေဆာင္းပါး၊ ဗဟုသုတမ်ားကို မည္သည့္ Facebook စာမ်က္ႏွာ၊ Website မ်ားတြင္မဆို ခြင့္ေတာင္းခံစရာမလိုပဲ မူလ Credit မပါေသာ ပို႔စ္မ်ာကို Credit-ApannPyay ေပးၿပီး ျပန္လည္ကူးယူ မွ်ေ၀ေဖာ္ျပႏိုင္ပါသည္။

0 comments :

Post a Comment

Loading...