======

မြွေတကောင်ကို အသေအကျေ တိုက်ခိုက်ခဲ့သည့် ကင်းခြေများနီကြီး (ရုပ်သံ)

ကင်းခြေများတွေကို ကမ္ဘာ့အဆိပ်အပြင်းဆုံး သတ္တဝါတွေလို့ သတ်မှတ်မထားကြပေမယ့် အန္တရာယ်ရှိတာတော့ ငြင်းလို့မရပါဘူး။

သူတို့ကို ပိုးနသန်ကောင်တွေနဲ့ မှားလေ့ရှိကြပေမယ့် သဘောသဘာဝကတော့ မတူညီကြပါဘူး။

ကင်းခြေများတကောင်မှာ သာမန်အားဖြင့်တော့ ကျောရိုးဆစ်ငယ်ပေါင်း ၁၂ ဆစ်ကနေ အဆစ် ၁၀၀ ကျော်ထိ ရှိနိုင်ပြီး အရွယ်အစားကတော့ ၃၀ စင်တီမီတာ (၁ ပေ) လောက်အထိ ကြီးထွားနိုင်ပါတယ်။

ဒီရုပ်သံဗွီဒီယိုဖိုင်ထဲမှာတော့ မြွေတကောင်ကို အသေအကျေ တိုက်ခိုက်ခဲ့တဲ့ ကင်းခြေများနီတကောင်ရဲ့ အစွမ်းကို တွေ့မြင်ရမှာပါ။

မြွေဟာ ကင်းခြေများနီကြီးအနားကို တရွေ့ရွေ့ရောက်လာခဲ့ချိန်မှာ ကင်းခြေများဟာ ဘာမှ မလုပ်ခဲ့သေးဘဲ ငြိမ်နေခဲ့တာပါ။

ဒါပေမယ့် ရုတ်တရက်ပဲ အလစ်မှာ မြွေရဲ့ အလယ်ပိုင်းနေရာကို ကိုက်ခဲပစ်လိုက်ချိန်မှာတော့ မြွေဟာ အငိုက်မိခဲ့ရပါတော့တယ်။

မြွေဟာ ဘယ်လိုပဲ ရုန်းကန်ပေမယ့် မလွတ်နိုင်ဘဲ ရှိနေခဲ့ပြီး ပြန်ပြီး မပေါက်သာတဲ့ အခြေအနေနဲ့ ရင်ဆိုင်ခဲ့ရတာပါ။

ကင်းခြေများနီကြီးဟာ လုံးဝကို မလွှတ်တမ်း ကိုက်ခဲထားခဲ့ပြီး မြွေရဲ့ခန္ဓာကိုယ်ကို သူ့ရဲ့ ခြေထောက်တွေနဲ့ ကုတ်ကာ လုံးထွေးထားခဲ့တာပါ။

အချိန်အတော်ကြာခဲ့ချိန်မှာတော့ မြွေဟာ လုံးဝ မလှုပ်ရှားနိုင်တော့ဘဲ သေဆုံးသွားခဲ့တာကို တွေ့ရပါတယ်။

Credit - DVB

Admin Apann Pyay

ApannPyay Website ပေါ်တွင် ဖော်ပြတင်ဆက်သော သတင်း၊ ဆောင်းပါး၊ ဗဟုသုတများကို မည်သည့် Facebook စာမျက်နှာ၊ Website များတွင်မဆို ခွင့်တောင်းခံစရာမလိုပဲ မူလ Credit မပါသော ပို့စ်မျာကို Credit-ApannPyay ပေးပြီး ပြန်လည်ကူးယူ မျှဝေဖော်ပြနိုင်ပါသည်။

0 comments :

Post a Comment

Loading...