======

ေဖာ္ေကာင္ ေအာင္စိုး

ေလဆိပ္၌ ဦးကိုနီ ေသနတ္ပစ္ခတ္ခံရၿပီးေနာက္ အင္းစိန္၊ ေဖာ့ကန္၌ရွိသည့္ မထင္မရွားဆံပင္ညႇပ္ဆိုင္ေလးတစ္ဆိုင္သည္ ေန႔ခ်င္းညခ်င္း နာမည္ႀကီးသြားသည္။ ဧည့္သည္ေတြက တဖြဲဖြဲ။
ေထာင္သက္ ၁၇ ႏွစ္ေက်ာ္ရွိ လူမိုက္ႀကီးတစ္ေယာက္ ဆံပင္ညႇပ္ေပးသည့္ဆိုင္သို႔ ဆံပင္တိုတို လာညႇပ္ခိုင္းသည့္ ဧည့္စိမ္းမ်ားရွိသလို သတင္းလာယူသည့္ သတင္းေထာက္မ်ားလည္းရွိသည္။ ဆိုင္အနီး မေယာင္မလည္ ႏွင့္ အကဲခတ္ေနသူမ်ားရွိသလို တစ္ဖက္ပိတ္လမ္းျဖစ္ေသာ္လည္း စတစ္ကာအနက္ေရာင္ကပ္သည့္ ကားမ်ား မၾကာခဏ ျဖတ္သန္းေနသည္မ်ားလည္းရွိသည္။
ဦးကိုနီ ေလဆိပ္ေသနတ္ပစ္ခံရမႈတြင္ လူထုႏွင့္မရင္းႏွီးလွေသာ လူဆိုးလူမိုက္မ်ား ေပၚထြက္လာသည္။ တိုက္တိုက္ဆိုင္ဆုိင္ သမၼတဦးသိန္းစိန္၏ လြတ္ၿငိမ္းခ်မ္းသာခြင့္ျဖင့္ လြတ္ေျမာက္လာသူသံုးဦးျဖစ္သည္။ ေသနတ္ သမားၾကည္လင္း၊ ပူးေပါင္းပါဝင္သူေအာင္ဝင္းေဇာ္ႏွင့္ ေဖာ္ေကာင္ ေအာင္စိုးတို႔ျဖစ္သည္။ သူတို႔သံုးဦးသည္ မႏၲေလးအက်ဥ္းေထာင္တြင္ ဆံုခဲ့ျခင္းျဖစ္သည္။ အြန္လိုင္းတြင္ ပ်ံ႕ႏွံ႔လာသည့္ ၾကည္လင္းကို ဖမ္းမိေသာပံုအား ေတြ႕ျမင္လိုက္ၿပီးေနာက္ ပူးေပါင္းပါဝင္သူ တရားခံေအာင္ဝင္းေဇာ္ဟူေသာ အမည္တစ္ခုကို စတင္ထုတ္ေဖာ္သူက ဦးေအာင္စိုးပင္ ျဖစ္သည္။ ၾကည္လင္း၏ အမႈတြဲ ေအာင္ဝင္းေဇာ္က ေသနတ္ပစ္လုပ္ႀကံမႈတစ္ခုအတြက္ လာေရာက္ကမ္းလွမ္းခဲ့ေၾကာင္း ဦးေအာင္စိုးက ေဖေဖာ္ဝါရီ ၁ ရက္တြင္ Myanmar Now သတင္းဌာနမွတစ္ဆင့္ ဖြင့္ထုတ္ခဲ့သည္။ ယင္းအေျခအေနတြင္ ၾကည္လင္းက သူ႔အား ေစခိုင္းသူသည္ ျမင့္ေဆြဟု ထြက္ဆိုထားခ်ိန္ျဖစ္သည္။ ေအာင္ဝင္းေဇာ္ကို ဖမ္းမိထားေၾကာင္း သမၼတ႐ံုးက ေဖေဖာ္ဝါရီ ၃ ရက္တြင္ သတင္းထုတ္ျပန္ခဲ့သည္။
အလွျပင္ဆိုင္ေလး ငွားရမ္းထားခါစအခ်ိန္ ၂၀၁၆ ဇြန္လတြင္ ဦးေအာင္စိုးေနထိုင္ရာဂ်ပန္လမ္းသို႔ ေအာင္ဝင္းေဇာ္ ခဲေရာင္ပါဂ်ဲ႐ိုးကားျဖင့္ ေရာက္ရွိလာၿပီး လူသတ္ရမည့္အလုပ္ရွိေၾကာင္း၊ လူမ်ဳိးျခား၊ ဘာသာျခားႏိုင္ငံျခားသံတမန္တစ္ဦးကို ေန႔ ခင္းေၾကာင္ေတာင္ ၿမိဳ႕လယ္ေကာင္တြင္ ပစ္သတ္ရမည့္အလုပ္ျဖစ္ေၾကာင္း၊ အလုပ္ေအာင္ျမင္လွ်င္ အားလံုးအတြက္ အက်ဳိးရွိမည္ျဖစ္ေၾကာင္း ေျပာၾကားခဲ့သည္။
ကိုယ့္ႏိုင္ငံ၊ ကိုယ့္လူမ်ဳိး၊ ကိုယ့္ဘာသာအတြက္ အက်ဳိးရွိမည္ျဖစ္ၿပီး ေငြေၾကးလည္း ထိုက္ထုိက္တန္တန္ရရွိမည္ျဖစ္ေၾကာင္း၊ ေလာေလာဆယ္ က်ပ္သိန္း ၃၀၀ပါၿပီး သိန္း ၁,၀၀၀ အထိ ယူမလားဟု ေအာင္ဝင္းေဇာ္၏ လက္ဖက္ရည္ဆိုင္တြင္ ေတြ႕ဆံုကမ္းလွမ္းခဲ့ မႈကို ဦးေအာင္စိုးက ေျပာျပသည္။ ဦးေအာင္စိုးက ေအာင္ဝင္းေဇာ္ကို အေျဖမေပးဘဲ ‘ငါစာေရးဆရာ ျဖစ္ေနၿပီ’ဟု သူ၏စာအုပ္ကို လက္ေဆာင္ေပးခဲ့သည္ဟုဆိုသည္။
ထုိကိစၥမ်ား၏ အမွန္တရားမွာ ေအာင္ဝင္းေဇာ္ႏွင့္ ဦးေအာင္ စိုးတို႔ႏွစ္ဦးသာသိမည့္ကိစၥမ်ားျဖစ္သည္။ သို႔ေသာ္ ဦးေအာင္စိုးသည္ သတင္းစာမ်ား၏ မ်က္ႏွာဖံုးသတင္း ျဖစ္ေနခဲ့ၿပီ။ ထုိ႔ေနာက္ ဦးေအာင္စိုး၏ ဆံသဆုိင္သို႔ ဧည့္သည္ေတြ တဖြဲဖြဲ ေရာက္လာေတာ့သည္။ သို႔ေသာ္ သူ၏ ပံုမွန္ေဖာက္သည္မ်ား မဟုတ္ေပ။
 ‘‘ပံုမွန္ေဖာက္သည္ေတြက ေၾကာက္လို႔ ဘယ္သူမွ မလာရဲေတာ့ဘူး’’ ဟု ဦးေအာင္စိုးက ဗလေတာင့္ေတာင့္ လူတစ္ေယာက္ကို ဆံပင္ညႇပ္ေနရင္း ေျပာလိုက္သည္။
ေဖာေဖာ္ဝါရီ ၅ ရက္နံနက္တြင္ ေရာက္ရွိလာသူ ဧည့္စိမ္းကို ဦးေအာင္စိုးက သူ၏လံုၿခံဳေရးအတြက္ အက်ႌခြၽတ္ခိုင္းၿပီးမွ ဆံပင္ညႇပ္ေစျခင္းျဖစ္သည္။ ဆံပင္လာညႇပ္သူ၏အေဖာ္ ဆံပင္တုိတိုအသားမည္းမည္းႏွင့္ အိတ္လြယ္ထားသူ တစ္ေယာက္က ထုိင္ေစာင့္ေနသည္။ ထုိသူကလည္း သူ၏ခပ္တိုတိုဆံပင္ကို ညႇပ္ခိုင္းသည္။
တိုက္ဆိုင္စြာပင္ ထုိအခ်ိန္၌ ဦးေအာင္စိုးဆုိင္ထဲသို႔ သတင္းေထာက္မ်ား၊ ႏိုင္ငံေရးတက္ႂကြလႈပ္ရွားသူအခ်ဳိ႕ႏွင့္ ရပ္ကြက္ေန ျပည္သူအခ်ဳိ႕ ေရာက္လာသည္။ လူစိမ္းႏွစ္ေယာက္ကို ဦးေအာင္စိုးက တပည့္တစ္ဦးအား ေနာက္ေယာင္ခံလိုက္ၾကည့္ခိုင္းရာ ကားေပၚတြင္ လူႏွစ္ဦး အသင့္ေစာင့္ေနေသာ တကၠစီတစ္စီးေပၚသို႔ တက္သြားေၾကာင္း သတင္းျပန္ပို႔သည္။
‘‘ရန္သူလား၊ မိတ္ေဆြလား မကြဲျပားဘူးဗ်ာ’’ဟု ဦးေအာင္စိုး က မြန္းမြန္းက်ပ္က်ပ္ ေျပာလိုက္သည္။
ဦးကိုနီအမႈတြင္ သူ၏ ထုတ္ေဖာ္ေျပာၾကားမႈအတြက္ ရန္သူမ်ား၊ သံသယမ်က္လံုးျဖင့္ ေစာင့္ၾကည့္သူမ်ား၊ ရဲတပ္ဖြဲ႕ဝင္မ်ား၊ သတင္းမီဒီယာမ်ား၊ စိတ္ဝင္စားသူမ်ား၏ မ်က္လံုးေပါင္းမ်ားစြာ ေအာက္သို႔ ေရာက္ရွိေနသည္။
ေထာင္ ၅၈ ႏွစ္က်ခံရန္ အမိန္႔ခ်ခံၿပီး ၁၇ ႏွစ္ႏွင့္ သံုးလက်ခံၿပီးေနာက္ လြတ္ၿငိမ္းခ်မ္းသာခြင့္ျဖင့္ ျပန္လြတ္လာသူ လူမိုက္ႀကီးသည္ ဘဝတြင္ တစ္ခါမွ် မႀကံဳဖူးသည့္ လူအမ်ား၏ အာ႐ံုစူးစိုက္မႈမ်ဳိးႏွင့္ ႀကံဳေနရသည္။
 သူေထာင္ကလြတ္လာၿပီးေနာက္ ေရးသားခဲ့ေသာ ‘အုတ္႐ိုးအတြင္း သံဆူးႀကိဳးဝင္းမွလူဆိုးမ်ား’ စာအုပ္ ထုတ္ေဝစဥ္ကပင္ ယခုေလာက္ သူ႔ကုိ လူသိမမ်ားခဲ့။
သို႔ေသာ္ သူ၏ေက်ာ္ၾကားမႈသည္ သူ၏အႏၲရာယ္ကို ဖိတ္ေခၚေနသည္။ ထု႔ိအတူ သံသယမ်က္လံုးမ်ားကိုလည္း ဖိတ္ေခၚေနသည္။
အသက္ (၅၀)ေက်ာ္ေသာ္လည္း အရပ္ေထာင္ေထာင္ေမာင္းေမာင္းႏွင့္ ႀကံ႕ခိုင္ေတာင့္တင္းဆဲ ဦးေအာင္စိုးသည္ တီရွပ္လက္ရွည္ ႏွင့္ ဂ်င္းေဘာင္းဘီကို ဝတ္ကာ ဆံပင္ညႇပ္ေနစဥ္မွာပင္ တိုက္ခိုက္ရန္ အသင့္အေနအထားျဖစ္ေနသည္။ ရင္ဘတ္တြင္ တက္တူးထုိးထားၿပီး ကတံုးဆံေတာက္သာသာ ဆံပင္ကို အနီေရာင္ျခယ္သထားသည့္ မ်က္ႏွာေၾကာတင္းတင္းႏွင့္ သူ႔ပံုစံက ျမင္႐ံုျဖင့္ လူမိုက္မွန္းသိသာသည္။ စကားကို စိတ္ျမန္လက္ျမန္ေျပာေသာ္လည္း ေရေရလည္လည္ ခ်က္က်လက္က် ေျပာတတ္သည္။
ေထာင္ကလြတ္လာၿပီးေနာက္ ဇနီးသည္၏ အလွျပင္ဆိုင္တြင္ ကူညီလုပ္ကိုင္ရင္း ဆံပင္ညႇပ္တတ္သြားေသာ ဦးေအာင္စိုးသည္ လပိုင္းအတြင္း သူ၏ ေဖာက္သည္မ်ားကို ဆံုး႐ံႈးလိုက္ရ ၿပီျဖစ္သည္။ သို႔ေသာ္ သူ႔စိတ္ဓာတ္ကို ဂုဏ္ျပဳကာ ကားျဖင့္ တကူးတကလာေရာက္ၿပီး ကေလးငယ္မ်ားကို ဆံပင္လာညႇပ္ခိုင္းသူမ်ဳိးလည္း ရွိသည္။ ထုိကဲ့သို႔ ျဖစ္ရပ္က ရွားရွားပါးပါးပင္။
လူမိုက္ဘဝကေန လူေကာင္းဘဝကို ေျပာင္းလိုသူ သူ႔အတြက္ အတိတ္၏အရိပ္မ်ားက ကပ္ပါလာသည္။ ေထာင္ထဲတြင္ ဆံုခဲ့ဖူးသူေတြ က်ဴးလြန္သည့္အမႈတြင္ တစ္နည္းတစ္ဖံု ပတ္သက္ေနရၿပီ။ ေအာင္ဝင္းေဇာ္က သူ႔ကိုလာငွားခဲ့သည့္ကိစၥကို သူက လူသိရွင္ၾကားဖြင့္ထုတ္ခဲ့သည္။ အက်ဳိးဆက္အျဖစ္ ရဲက သူ႔ကိုေခၚေတြ႕သည္။ သတင္းေထာက္မ်ား သူ႔ဆီေရာက္လာသည္။ အသက္အႏၲရာယ္အထိပင္ စိုးရိမ္ရေသာ ထုတ္ေဖာ္ေျပာဆိုမႈအတြက္ သူ႔ကို သံသယဝင္သူမ်ားလည္း ရွိသည္။
‘‘ကြၽန္ေတာ္တို႔က အေၾကာက္တရားကေန ႐ုန္းထြက္ႏိုင္ဖို႔လိုတယ္။ မွန္တဲ့ဘက္က ရပ္ဖို႔လိုတယ္’’ဟု ၾကည္လင္းကိုေတြ႕ၿပီးေနာက္ ၾကည္လင္းေနာက္က လူကို ထုတ္ေဖာ္ေျပာၾကားျခင္းအေၾကာင္းရင္းကို သူကေျပာသည္။
ထုိ႔အတူ သူ၏အႏၲရာယ္ကုိ ကာကြယ္ရန္ အသင့္ျပင္ဆင္ထားသည္။
သူထုတ္ေျပာလိုက္သည့္ ေအာင္ဝင္းေဇာ္ႏွင့္ သမၼတ႐ံုးက ထုတ္ျပန္သည့္ ေအာင္ဝင္းေဇာ္အမည္တူသည္ကလြဲ၍ သူ၏ ေျပာစကားသက္သက္မ်ားအတြက္ မွန္၊ မမွန္ အတည္ျပဳႏိုင္ရန္ ခက္ခဲသည့္ အေျခအေနျဖစ္ေနသည္။ သူ၏ေျပာစကားမ်ားကို မယံုၾကည္ဘဲ သံသယထား ေစာင့္ၾကည့္သူလည္း အေျမာက္အျမားပင္။
‘‘ကိုယ္က အေကာင္းအဆိုး ဒြန္တြဲေနတယ္’’ဟု သူ႔ဘဝကို အတိုဆံုး ေဖာ္ၫႊန္းသည္။
၁၉၉၆ ကျမန္မာ့ခရီးသြားႏွစ္ကို ျမန္မာျပည္သူမ်ား သတိရၾကဦးမည္ထင္သည္။
ဦးေအာင္စိုးလည္း ေကာင္းေကာင္းမွတ္မိပါသည္။ သံတုိင္မ်ား၏ အျပင္ဘက္တြင္ ေနာက္ဆံုးေနခဲ့ရသည့္ အခ်ိန္မ်ားျဖစ္သည္။ ျမန္မာ့ခရီးသြားႏွစ္တြင္ တုိင္းျပည္ဂုဏ္သိကၡာ က်ဆင္းေစသည္ဆိုကာ လုယက္မႈရွစ္ခုအတြက္ သူ႔ကို ေထာင္ ၅၈ ႏွစ္အထိ က်ခံရန္ အမိန္႔ခ်ခဲ့သည္။ သူသည္ အင္းစိန္ေထာင္တြင္ ၁၉၉၆ မွ ၁၉၉၉ အထိလည္းေကာင္း၊ မႏၲေလးေထာင္တြင္ ၁၉၉၉ မွ ၂၀၀၉ အထိလည္းေကာင္း၊ ျမင္းၿခံေထာင္တြင္ ၂၀၀၉ မွ ၂၀၁၃ အထိလည္းေကာင္း၊ ေနာင္ခ်ဳိရဲဘက္စခန္းတြင္ ၂၀၁၃ မွ ၂၀၁၄ အထိလည္းေကာင္း စုစုေပါင္း ေထာင္ဒဏ္ ၁၇ ႏွစ္ႏွင့္ သံုးလက်ခံခဲ့ရသည္။
သို႔ေသာ္ သူသည္ ငယ္စဥ္က တပ္ထဲဝင္ခဲ့ၿပီး တပ္ေျပးအျဖစ္ အဖမ္းခံရကာ ေမာ္လၿမိဳင္ေထာင္သို႔လည္း ေရာက္ရွိခဲ့ဖူးသည္။
ဦးေအာင္စိုးသည္ သူ႔ကို သတင္းစာမ်က္ႏွာမ်ားထက္သို႔ တင္ေဆာင္ေပးခဲ့သူ Myanmar Now မွ ကိုေဆြဝင္းႏွင့္ ကိုေဆြဝင္း၏ရဲဘက္အေၾကာင္း ေဆာင္းပါးမ်ားေရးစဥ္က ေတြ႕ဆံုေမးျမန္းစဥ္ သိကြၽမ္းခဲ့ျခင္းျဖစ္သည္။
ယံုၾကည္ခ်က္ေၾကာင့္ နရသိန္ေရာက္ခဲ့သည့္ ႏိုင္ငံေရးအက်ဥ္းသားေဟာင္းတစ္ဦး ျဖစ္သူ ကိုေဆြဝင္းႏွင့္ ဦးေအာင္စိုးမွာလည္း ေရစက္ဆံုသူမ်ားျဖစ္ၿပီး အင္းစိန္ေထာင္၊ မႏၲေလးေထာင္ ႏွင့္ ျမင္းၿခံေထာင္တို႔တြင္ ႏွစ္ေယာက္စလံုး ေထာင္က်ဖူးသူမ်ား ျဖစ္ေၾကာင္း စကားစပ္မိမွ သိိခဲ့သည္။
 ၾကည္လင္းေနာက္ကြယ္က လူအေၾကာင္းကို ဦးေအာင္စိုးသည္ ရဲမ်ားကိုပင္ အသိမေပးဘဲ သူေလးစားယံုၾကည္သူ ကိုေဆြဝင္းကို ညတြင္းခ်င္း ဖြင့္ဟခဲ့ျခင္း ျဖစ္သည္။
‘‘ကြၽန္ေတာ္တို႔ အင္းစိန္ေထာင္ကေန မနၲေလးေထာင္သို႔ ေျပာင္းေတာ့ ရထားတစ္စီးတည္းပဲ။ အဲဒီတုန္းက မသိခဲ့ၾကဘူး’’ဟု ကိုေဆြဝင္းက ျပန္ေျပာင္းေျပာျပသည္။
ကိုေဆြဝင္းသည္ ၎၏ အဆက္အသြယ္မ်ားထံမွရေသာ သတင္းမ်ားအရ ဦးေအာင္စိုးသည္ ေထာင္ထဲတြင္ မဟုတ္မခံစိတ္ရွိခဲ့သူျဖစ္ေနေၾကာင္း အတည္ျပဳသည္။
‘‘ေတာ္ေတာ္မ်ားမ်ားက အေမွာင္ထဲကလာၿပီး အေမွာင္ထဲပဲ ျပန္သြားၾကတယ္။ သူကေတာ့ ေထာင္ကထြက္လာတာ မၾကာေသးဘူး၊ စာေရးတယ္ဗ်ာ။ ဒါကို ႀကိဳဆိုရမယ္’’ဟု ကိုေဆြဝင္းက ေျပာသည္။
မႏၲေလးေထာင္သည္ သူ႔ကို ဦးကိုနီကိစၥတြင္ ပါဝင္လာေစသည့္ အေၾကာင္းရင္းခံေနရာတစ္ခုျဖစ္သည္။ ထုိေနရာတြင္ ၾကည္လင္း၊ ေအာင္ဝင္းေဇာ္တို႔ႏွင့္ သူဆံုခဲ့သည္။
ေအာင္ဝင္းေဇာ္၏ ေရကန္ဘုတ္ကိုင္ေနရာကို ေအာင္ဝင္းေဇာ္ထြက္သြားၿပီးေနာက္ သူေနရာရသည္။
‘‘ကိုယ္က နည္းနည္းဝိုက္တယ္။ သူကမ်ားမ်ားဝိုက္တယ္’’ ဟု ဦးေအာင္စိုးက တဟားဟားရယ္ၿပီးေျပာသည္။
သူတို႔ ေရစက္ကမေသးလွ။ ထုိစဥ္က ေအာင္ဝင္းေဇာ္သည္ ေထာင္ေဖာက္ေျပးရန္ ႀကံစည္မႈအား ဦးေအာင္စုိးကို တိုင္ပင္ခဲ့ၿပီး အစီအစဥ္မျဖစ္ခဲ့ေသာ္လည္း ႏႈတ္လံုမႈေၾကာင့္ ဦးေအာင္စိုးကို လူသတ္ရန္ လာကမ္းလွမ္းသည္ဟု ဦးေအာင္စိုးက ယူဆသည္။
ထို႔အျပင္ ဦးေအာင္စိုးသည္ နာမည္ႀကီးဆရာေတာ္ဦးဝီရသူႏွင့္လည္း မႏၲေလးေထာင္တြင္ ဆံုခဲ့ေသးသည္။ ေထာင္အတြင္း မတရားမႈမ်ားကို ဦးေအာင္စိုးက ဘီဘီစီသို႔ ေဖာ္ေကာင္လုပ္သည့္ကိစၥတြင္ ဦးဝီရသူတို႔က ဆက္သြယ္ေပးခဲ့ျခင္းျဖစ္သည္။ သူ၏ ေဖာ္ေကာင္လုပ္မႈေၾကာင့္ မႏၲေလးေထာင္ရွိ အရာရွိအခ်ဳိ႕ႏွင့္ ဝန္ထမ္းအခ်ဳိ႕ ေျပာင္းေရႊ႕ခံရသည္။ ဦးေအာင္စိုး၏ ေဖာ္ေကာင္လုပ္မႈသည္ မႏၲေလးေထာင္တြင္ အဆံုးမသတ္ဘဲ ျမင္းၿခံေထာင္အထိ လိုက္ပါလာသည္။
၂၀၁၂ စက္တင္ဘာက သီတဂူဆရာေတာ္ဘုရားႀကီး ျမင္းၿခံေထာင္သို႔ ႂကြေရာက္လာၿပီး အက်ဥ္းသားမ်ားအား တရားအလွဴ ျပဳလုပ္စဥ္ကျဖစ္သည္။ ႐ုပ္ရွင္သ႐ုပ္ေဆာင္အခ်ဳိ႕ႏွင့္ သတင္းေထာက္အခ်ဳိ႕ပါလာၿပီး သတင္းေထာက္တစ္ဦးကို ျမင္းၿခံေထာင္၏ အက်င့္ပ်က္ျခစားမႈမ်ားကို ေဖာ္ေကာင္လုပ္ခဲ့ျပန္သည္။
ထုိသတင္းေထာက္၏ ဖုန္းနံပါတ္ကိုယူထားခဲ့ၿပီး ေထာင္ကလြတ္လာစဥ္ သူေရးသည့္စာအုပ္တြင္ အဆိုပါသတင္းေထာက္အား အမွာစာေရးခိုင္းခဲ့သည္။ သူ၏စာအုပ္သည္ သူ၏ေထာင္သက္အတြင္း ေထာင္အာဏာပိုင္မ်ား၏ ဆိုးရြားမႈမ်ားကို အမည္မ်ားေဖာ္ကာ ေရးသားခဲ့သည္။ ေခတ္ဆိုး၊ စနစ္ဆိုးေၾကာင့္ လူဆိုးလူမိုက္မ်ား ေပါမ်ားခဲ့ျခင္းျဖစ္ေၾကာင္း သူ၏ ေထာင္အေတြ႕အႀကံဳအရ ေျပာသည္။
‘‘ကိုယ္က လူငယ္ေတြကို ေထာင္ဆိုတဲ့ ငရဲကို မေရာက္ေစလိုတဲ့ရည္ရြယ္ခ်က္နဲ႔ ေထာင္ဆိုတာ ဘယ္ေလာက္ဆုိးေၾကာင္း ေရးခဲ့တာ’’ဟု ဦးေအာင္စိုးက ဖြင့္ဟသည္။

အင္းစိန္ ေဖာ့ကန္ရိွ ဦးေအာင္စိုး၏ စုရတနာဆံပင္ညႇပ္ဆိုင္ကို ေတြ႔ရစဥ္။ (ဓာတ္ပံု-ေက်ာ္ဇင္သန္း)
သူအေလးစားဆံုးပုဂၢိဳလ္သည္ ဗိုလ္ခ်ဳပ္ေအာင္ဆန္းျဖစ္ၿပီး လက္ရွိတြင္ ေဒၚေအာင္ဆန္းစုၾကည္ဟုဆိုသည္။ သူတို႔ ဇနီးေမာင္ႏံွ၏ အလွျပင္ဆိုင္ကို ‘စုရတနာ’ ဟုေပးနာမည္ေပးထားၿပီး ေဗဒင္ဆရာေပးသည့္ အမည္သံုးမ်ဳိးထဲမွ ေဒၚေအာင္ဆန္းစုၾကည္၏ ‘စု’အမည္ပါ၍ ေရြးျခင္းျဖစ္ေၾကာင္း လူၾကမ္းႀကီးကေျပာသည္။
ငယ္စဥ္က အိပ္မက္ေရေရရာရာမရွိခဲ့ဘဲ ေထာင္ထဲတြင္ အခ်ိန္ကုန္ဆံုးခဲ့ရသူက ယခုအခ်ိန္တြင္ စာအုပ္တစ္အုပ္ေရးၿပီး ေနာက္စာေရးဆရာအလုပ္ကို ျမတ္ႏိုးသည္ဟု ဖြင့္ဟသည္။ ေနာက္ထပ္စာအုပ္တစ္အုပ္ ထပ္ထုတ္ဦးမည္ဟု သူကဆိုသည္။ ‘ဒုတိယ ေသမင္းတမန္လမ္း’ ဟု အမည္ေပးထားကာ သူရဲဘက္စခန္းေရာက္စဥ္က ႀကံဳေတြ႕ခဲ့ရသည့္ ရန္ကုန္-မႏၲေလးအျမန္လမ္းေဖာက္လုပ္ခဲ့မႈ အေတြ႕အႀကံဳကို ျပန္ေရးမည္ဟုဆိုသည္။ ေအာင္ဝင္းေဇာ္ကို ေဖာ္ေကာင္လုပ္ၿပီးေနာက္ နာမည္ႀကီးလာေသာေၾကာင့္ ယခုအခါ သူ၏ ပထမစာအုပ္က ဝယ္၍ပင္မရေတာ့ေပ။
‘‘ကိုယ္က စာေရးဆရာျဖစ္လာေတာ့ တခ်ဳိ႕က ဆရာလို႔ေခၚရင္ ကုိယ္အရမ္းဖီးလ္တက္တာ။ ကိုယ့္လိုလူတစ္ေယာက္ ဆရာအေခၚခံရဖို႔ဆိုတာ အေဝးႀကီးပဲဟာကို။ ဒါေၾကာင့္ ရရွိလာတဲ့ ဂုဏ္နဲ႔ေလ်ာ္ညီေအာင္ေနရမယ္ေလ’’ ဟု အေမွာင္မွအလင္းဘက္သို႔ ေရြ႕လ်ားလာသူက ဆုိပါသည္။ လက္ရွိိအေျခအေနတြင္ ဦးကိုနီအမႈသည္ မၿပီးျပတ္ေသးသျဖင့္ ေနာက္ဆက္တြဲ ဘာေတြဆက္ျဖစ္လာမည္ကို မေျပာႏိုင္ေသးေခ်။ သို႔ေသာ္ လတ္တေလာတြင္ေတာ့ ေဖာ့ကန္တြင္ ဆံပင္ညႇပ္ၿပီး အင္းစိန္ေအာင္စိုးအမည္ျဖင့္ စာေရးသူေထာင္ထြက္လူၾကမ္းႀကီးသည္ ‘ေဖာ္ေကာင္ ေအာင္စိုး’ ဟု နာမည္ႀကီးေနၿပီျဖစ္သည္။
မွတ္ခ်က္။ ‘ေဖာ္ေကာင္’ ဟု သံုးႏႈန္းထားျခင္းသည္ အဂါရဝျဖစ္ေအာင္သံုးစြဲျခင္းမ်ိဳးမဟုတ္ဘဲ အာဇာနည္ေခါင္းေဆာင္ႀကီးမ်ားအား  ႏိုင္ငံေတာ္လုပ္ႀကံမႈႀကီးတြင္ ေဖာ္ေကာင္ျပဳလုပ္ခဲ့ေသာ ဘၫႊန္႔ကို ‘ေဖာ္ေကာင္ဘၫႊန္႔’ ဟု သံုးႏႈန္းသကဲ့သို႔စာဖတ္သူမ်ားအား ပိုမိုဆြဲေဆာင္ႏိုင္ရန္ ရည္ရြယ္ျခင္းသာျဖစ္ပါသည္။

credit to http://www.7daydaily.com
Unicode>>>
လေဆိပ်၌ ဦးကိုနီ သေနတ်ပစ်ခတ်ခံရပြီးနောက် အင်းစိန်၊ ဖော့ကန်၌ရှိသည့် မထင်မရှားဆံပင်ညှပ်ဆိုင်လေးတစ်ဆိုင်သည် နေ့ချင်းညချင်း နာမည်ကြီးသွားသည်။ ဧည့်သည်တွေက တဖွဲဖွဲ။
ထောင်သက် ၁၇ နှစ်ကျော်ရှိ လူမိုက်ကြီးတစ်ယောက် ဆံပင်ညှပ်ပေးသည့်ဆိုင်သို့ ဆံပင်တိုတို လာညှပ်ခိုင်းသည့် ဧည့်စိမ်းများရှိသလို သတင်းလာယူသည့် သတင်းထောက်များလည်းရှိသည်။ ဆိုင်အနီး မယောင်မလည် နှင့် အကဲခတ်နေသူများရှိသလို တစ်ဖက်ပိတ်လမ်းဖြစ်သော်လည်း စတစ်ကာအနက်ရောင်ကပ်သည့် ကားများ မကြာခဏ ဖြတ်သန်းနေသည်များလည်းရှိသည်။
ဦးကိုနီ လေဆိပ်သေနတ်ပစ်ခံရမှုတွင် လူထုနှင့်မရင်းနှီးလှသော လူဆိုးလူမိုက်များ ပေါ်ထွက်လာသည်။ တိုက်တိုက်ဆိုင်ဆိုင် သမ္မတဦးသိန်းစိန်၏ လွတ်ငြိမ်းချမ်းသာခွင့်ဖြင့် လွတ်မြောက်လာသူသုံးဦးဖြစ်သည်။ သေနတ် သမားကြည်လင်း၊ ပူးပေါင်းပါဝင်သူအောင်ဝင်းဇော်နှင့် ဖော်ကောင် အောင်စိုးတို့ဖြစ်သည်။ သူတို့သုံးဦးသည် မန္တလေးအကျဉ်းထောင်တွင် ဆုံခဲ့ခြင်းဖြစ်သည်။ အွန်လိုင်းတွင် ပျံ့နှံ့လာသည့် ကြည်လင်းကို ဖမ်းမိသောပုံအား တွေ့မြင်လိုက်ပြီးနောက် ပူးပေါင်းပါဝင်သူ တရားခံအောင်ဝင်းဇော်ဟူသော အမည်တစ်ခုကို စတင်ထုတ်ဖော်သူက ဦးအောင်စိုးပင် ဖြစ်သည်။ ကြည်လင်း၏ အမှုတွဲ အောင်ဝင်းဇော်က သေနတ်ပစ်လုပ်ကြံမှုတစ်ခုအတွက် လာရောက်ကမ်းလှမ်းခဲ့ကြောင်း ဦးအောင်စိုးက ဖေဖော်ဝါရီ ၁ ရက်တွင် Myanmar Now သတင်းဌာနမှတစ်ဆင့် ဖွင့်ထုတ်ခဲ့သည်။ ယင်းအခြေအနေတွင် ကြည်လင်းက သူ့အား စေခိုင်းသူသည် မြင့်ဆွေဟု ထွက်ဆိုထားချိန်ဖြစ်သည်။ အောင်ဝင်းဇော်ကို ဖမ်းမိထားကြောင်း သမ္မတရုံးက ဖေဖော်ဝါရီ ၃ ရက်တွင် သတင်းထုတ်ပြန်ခဲ့သည်။
အလှပြင်ဆိုင်လေး ငှားရမ်းထားခါစအချိန် ၂၀၁၆ ဇွန်လတွင် ဦးအောင်စိုးနေထိုင်ရာဂျပန်လမ်းသို့ အောင်ဝင်းဇော် ခဲရောင်ပါဂျဲရိုးကားဖြင့် ရောက်ရှိလာပြီး လူသတ်ရမည့်အလုပ်ရှိကြောင်း၊ လူမျိုးခြား၊ ဘာသာခြားနိုင်ငံခြားသံတမန်တစ်ဦးကို နေ့ ခင်းကြောင်တောင် မြို့လယ်ကောင်တွင် ပစ်သတ်ရမည့်အလုပ်ဖြစ်ကြောင်း၊ အလုပ်အောင်မြင်လျှင် အားလုံးအတွက် အကျိုးရှိမည်ဖြစ်ကြောင်း ပြောကြားခဲ့သည်။
ကိုယ့်နိုင်ငံ၊ ကိုယ့်လူမျိုး၊ ကိုယ့်ဘာသာအတွက် အကျိုးရှိမည်ဖြစ်ပြီး ငွေကြေးလည်း ထိုက်ထိုက်တန်တန်ရရှိမည်ဖြစ်ကြောင်း၊ လောလောဆယ် ကျပ်သိန်း ၃ဝဝပါပြီး သိန်း ၁,၀၀၀ အထိ ယူမလားဟု အောင်ဝင်းဇော်၏ လက်ဖက်ရည်ဆိုင်တွင် တွေ့ဆုံကမ်းလှမ်းခဲ့ မှုကို ဦးအောင်စိုးက ပြောပြသည်။ ဦးအောင်စိုးက အောင်ဝင်းဇော်ကို အဖြေမပေးဘဲ ‘ငါစာရေးဆရာ ဖြစ်နေပြီ’ဟု သူ၏စာအုပ်ကို လက်ဆောင်ပေးခဲ့သည်ဟုဆိုသည်။
ထိုကိစ္စများ၏ အမှန်တရားမှာ အောင်ဝင်းဇော်နှင့် ဦးအောင် စိုးတို့နှစ်ဦးသာသိမည့်ကိစ္စများဖြစ်သည်။ သို့သော် ဦးအောင်စိုးသည် သတင်းစာများ၏ မျက်နှာဖုံးသတင်း ဖြစ်နေခဲ့ပြီ။ ထို့နောက် ဦးအောင်စိုး၏ ဆံသဆိုင်သို့ ဧည့်သည်တွေ တဖွဲဖွဲ ရောက်လာတော့သည်။ သို့သော် သူ၏ ပုံမှန်ဖောက်သည်များ မဟုတ်ပေ။
 ‘‘ပုံမှန်ဖောက်သည်တွေက ကြောက်လို့ ဘယ်သူမှ မလာရဲတော့ဘူး’’ ဟု ဦးအောင်စိုးက ဗလတောင့်တောင့် လူတစ်ယောက်ကို ဆံပင်ညှပ်နေရင်း ပြောလိုက်သည်။
ဖောဖော်ဝါရီ ၅ ရက်နံနက်တွင် ရောက်ရှိလာသူ ဧည့်စိမ်းကို ဦးအောင်စိုးက သူ၏လုံခြုံရေးအတွက် အကျႌချွတ်ခိုင်းပြီးမှ ဆံပင်ညှပ်စေခြင်းဖြစ်သည်။ ဆံပင်လာညှပ်သူ၏အဖော် ဆံပင်တိုတိုအသားမည်းမည်းနှင့် အိတ်လွယ်ထားသူ တစ်ယောက်က ထိုင်စောင့်နေသည်။ ထိုသူကလည်း သူ၏ခပ်တိုတိုဆံပင်ကို ညှပ်ခိုင်းသည်။
တိုက်ဆိုင်စွာပင် ထိုအချိန်၌ ဦးအောင်စိုးဆိုင်ထဲသို့ သတင်းထောက်များ၊ နိုင်ငံရေးတက်ကြွလှုပ်ရှားသူအချို့နှင့် ရပ်ကွက်နေ ပြည်သူအချို့ ရောက်လာသည်။ လူစိမ်းနှစ်ယောက်ကို ဦးအောင်စိုးက တပည့်တစ်ဦးအား နောက်ယောင်ခံလိုက်ကြည့်ခိုင်းရာ ကားပေါ်တွင် လူနှစ်ဦး အသင့်စောင့်နေသော တက္ကစီတစ်စီးပေါ်သို့ တက်သွားကြောင်း သတင်းပြန်ပို့သည်။
‘‘ရန်သူလား၊ မိတ်ဆွေလား မကွဲပြားဘူးဗျာ’’ဟု ဦးအောင်စိုး က မွန်းမွန်းကျပ်ကျပ် ပြောလိုက်သည်။
ဦးကိုနီအမှုတွင် သူ၏ ထုတ်ဖော်ပြောကြားမှုအတွက် ရန်သူများ၊ သံသယမျက်လုံးဖြင့် စောင့်ကြည့်သူများ၊ ရဲတပ်ဖွဲ့ဝင်များ၊ သတင်းမီဒီယာများ၊ စိတ်ဝင်စားသူများ၏ မျက်လုံးပေါင်းများစွာ အောက်သို့ ရောက်ရှိနေသည်။
ထောင် ၅၈ နှစ်ကျခံရန် အမိန့်ချခံပြီး ၁၇ နှစ်နှင့် သုံးလကျခံပြီးနောက် လွတ်ငြိမ်းချမ်းသာခွင့်ဖြင့် ပြန်လွတ်လာသူ လူမိုက်ကြီးသည် ဘဝတွင် တစ်ခါမျှ မကြုံဖူးသည့် လူအများ၏ အာရုံစူးစိုက်မှုမျိုးနှင့် ကြုံနေရသည်။
 သူထောင်ကလွတ်လာပြီးနောက် ရေးသားခဲ့သော ‘အုတ်ရိုးအတွင်း သံဆူးကြိုးဝင်းမှလူဆိုးများ’ စာအုပ် ထုတ်ဝေစဉ်ကပင် ယခုလောက် သူ့ကို လူသိမများခဲ့။
သို့သော် သူ၏ကျော်ကြားမှုသည် သူ၏အန္တရာယ်ကို ဖိတ်ခေါ်နေသည်။ ထို့အတူ သံသယမျက်လုံးများကိုလည်း ဖိတ်ခေါ်နေသည်။
အသက် (၅၀)ကျော်သော်လည်း အရပ်ထောင်ထောင်မောင်းမောင်းနှင့် ကြံ့ခိုင်တောင့်တင်းဆဲ ဦးအောင်စိုးသည် တီရှပ်လက်ရှည် နှင့် ဂျင်းဘောင်းဘီကို ဝတ်ကာ ဆံပင်ညှပ်နေစဉ်မှာပင် တိုက်ခိုက်ရန် အသင့်အနေအထားဖြစ်နေသည်။ ရင်ဘတ်တွင် တက်တူးထိုးထားပြီး ကတုံးဆံတောက်သာသာ ဆံပင်ကို အနီရောင်ခြယ်သထားသည့် မျက်နှာကြောတင်းတင်းနှင့် သူ့ပုံစံက မြင်ရုံဖြင့် လူမိုက်မှန်းသိသာသည်။ စကားကို စိတ်မြန်လက်မြန်ပြောသော်လည်း ရေရေလည်လည် ချက်ကျလက်ကျ ပြောတတ်သည်။
ထောင်ကလွတ်လာပြီးနောက် ဇနီးသည်၏ အလှပြင်ဆိုင်တွင် ကူညီလုပ်ကိုင်ရင်း ဆံပင်ညှပ်တတ်သွားသော ဦးအောင်စိုးသည် လပိုင်းအတွင်း သူ၏ ဖောက်သည်များကို ဆုံးရှုံးလိုက်ရ ပြီဖြစ်သည်။ သို့သော် သူ့စိတ်ဓာတ်ကို ဂုဏ်ပြုကာ ကားဖြင့် တကူးတကလာရောက်ပြီး ကလေးငယ်များကို ဆံပင်လာညှပ်ခိုင်းသူမျိုးလည်း ရှိသည်။ ထိုကဲ့သို့ ဖြစ်ရပ်က ရှားရှားပါးပါးပင်။
လူမိုက်ဘဝကနေ လူကောင်းဘဝကို ပြောင်းလိုသူ သူ့အတွက် အတိတ်၏အရိပ်များက ကပ်ပါလာသည်။ ထောင်ထဲတွင် ဆုံခဲ့ဖူးသူတွေ ကျူးလွန်သည့်အမှုတွင် တစ်နည်းတစ်ဖုံ ပတ်သက်နေရပြီ။ အောင်ဝင်းဇော်က သူ့ကိုလာငှားခဲ့သည့်ကိစ္စကို သူက လူသိရှင်ကြားဖွင့်ထုတ်ခဲ့သည်။ အကျိုးဆက်အဖြစ် ရဲက သူ့ကိုခေါ်တွေ့သည်။ သတင်းထောက်များ သူ့ဆီရောက်လာသည်။ အသက်အန္တရာယ်အထိပင် စိုးရိမ်ရသော ထုတ်ဖော်ပြောဆိုမှုအတွက် သူ့ကို သံသယဝင်သူများလည်း ရှိသည်။
‘‘ကျွန်တော်တို့က အကြောက်တရားကနေ ရုန်းထွက်နိုင်ဖို့လိုတယ်။ မှန်တဲ့ဘက်က ရပ်ဖို့လိုတယ်’’ဟု ကြည်လင်းကိုတွေ့ပြီးနောက် ကြည်လင်းနောက်က လူကို ထုတ်ဖော်ပြောကြားခြင်းအကြောင်းရင်းကို သူကပြောသည်။
ထို့အတူ သူ၏အန္တရာယ်ကို ကာကွယ်ရန် အသင့်ပြင်ဆင်ထားသည်။
သူထုတ်ပြောလိုက်သည့် အောင်ဝင်းဇော်နှင့် သမ္မတရုံးက ထုတ်ပြန်သည့် အောင်ဝင်းဇော်အမည်တူသည်ကလွဲ၍ သူ၏ ပြောစကားသက်သက်များအတွက် မှန်၊ မမှန် အတည်ပြုနိုင်ရန် ခက်ခဲသည့် အခြေအနေဖြစ်နေသည်။ သူ၏ပြောစကားများကို မယုံကြည်ဘဲ သံသယထား စောင့်ကြည့်သူလည်း အမြောက်အမြားပင်။
‘‘ကိုယ်က အကောင်းအဆိုး ဒွန်တွဲနေတယ်’’ဟု သူ့ဘဝကို အတိုဆုံး ဖော်ညွှန်းသည်။
၁၉၉၆ ကမြန်မာ့ခရီးသွားနှစ်ကို မြန်မာပြည်သူများ သတိရကြဦးမည်ထင်သည်။
ဦးအောင်စိုးလည်း ကောင်းကောင်းမှတ်မိပါသည်။ သံတိုင်များ၏ အပြင်ဘက်တွင် နောက်ဆုံးနေခဲ့ရသည့် အချိန်များဖြစ်သည်။ မြန်မာ့ခရီးသွားနှစ်တွင် တိုင်းပြည်ဂုဏ်သိက္ခာ ကျဆင်းစေသည်ဆိုကာ လုယက်မှုရှစ်ခုအတွက် သူ့ကို ထောင် ၅၈ နှစ်အထိ ကျခံရန် အမိန့်ချခဲ့သည်။ သူသည် အင်းစိန်ထောင်တွင် ၁၉၉၆ မှ ၁၉၉၉ အထိလည်းကောင်း၊ မန္တလေးထောင်တွင် ၁၉၉၉ မှ ၂၀၀၉ အထိလည်းကောင်း၊ မြင်းခြံထောင်တွင် ၂၀၀၉ မှ ၂၀၁၃ အထိလည်းကောင်း၊ နောင်ချိုရဲဘက်စခန်းတွင် ၂၀၁၃ မှ ၂၀၁၄ အထိလည်းကောင်း စုစုပေါင်း ထောင်ဒဏ် ၁၇ နှစ်နှင့် သုံးလကျခံခဲ့ရသည်။
သို့သော် သူသည် ငယ်စဉ်က တပ်ထဲဝင်ခဲ့ပြီး တပ်ပြေးအဖြစ် အဖမ်းခံရကာ မော်လမြိုင်ထောင်သို့လည်း ရောက်ရှိခဲ့ဖူးသည်။
ဦးအောင်စိုးသည် သူ့ကို သတင်းစာမျက်နှာများထက်သို့ တင်ဆောင်ပေးခဲ့သူ Myanmar Now မှ ကိုဆွေဝင်းနှင့် ကိုဆွေဝင်း၏ရဲဘက်အကြောင်း ဆောင်းပါးများရေးစဉ်က တွေ့ဆုံမေးမြန်းစဉ် သိကျွမ်းခဲ့ခြင်းဖြစ်သည်။
ယုံကြည်ချက်ကြောင့် နရသိန်ရောက်ခဲ့သည့် နိုင်ငံရေးအကျဉ်းသားဟောင်းတစ်ဦး ဖြစ်သူ ကိုဆွေဝင်းနှင့် ဦးအောင်စိုးမှာလည်း ရေစက်ဆုံသူများဖြစ်ပြီး အင်းစိန်ထောင်၊ မန္တလေးထောင် နှင့် မြင်းခြံထောင်တို့တွင် နှစ်ယောက်စလုံး ထောင်ကျဖူးသူများ ဖြစ်ကြောင်း စကားစပ်မိမှ သိိခဲ့သည်။
 ကြည်လင်းနောက်ကွယ်က လူအကြောင်းကို ဦးအောင်စိုးသည် ရဲများကိုပင် အသိမပေးဘဲ သူလေးစားယုံကြည်သူ ကိုဆွေဝင်းကို ညတွင်းချင်း ဖွင့်ဟခဲ့ခြင်း ဖြစ်သည်။
‘‘ကျွန်တော်တို့ အင်းစိန်ထောင်ကနေ မန္တလေးထောင်သို့ ပြောင်းတော့ ရထားတစ်စီးတည်းပဲ။ အဲဒီတုန်းက မသိခဲ့ကြဘူး’’ဟု ကိုဆွေဝင်းက ပြန်ပြောင်းပြောပြသည်။
ကိုဆွေဝင်းသည် ၎င်း၏ အဆက်အသွယ်များထံမှရသော သတင်းများအရ ဦးအောင်စိုးသည် ထောင်ထဲတွင် မဟုတ်မခံစိတ်ရှိခဲ့သူဖြစ်နေကြောင်း အတည်ပြုသည်။
‘‘တော်တော်များများက အမှောင်ထဲကလာပြီး အမှောင်ထဲပဲ ပြန်သွားကြတယ်။ သူကတော့ ထောင်ကထွက်လာတာ မကြာသေးဘူး၊ စာရေးတယ်ဗျာ။ ဒါကို ကြိုဆိုရမယ်’’ဟု ကိုဆွေဝင်းက ပြောသည်။
မန္တလေးထောင်သည် သူ့ကို ဦးကိုနီကိစ္စတွင် ပါဝင်လာစေသည့် အကြောင်းရင်းခံနေရာတစ်ခုဖြစ်သည်။ ထိုနေရာတွင် ကြည်လင်း၊ အောင်ဝင်းဇော်တို့နှင့် သူဆုံခဲ့သည်။
အောင်ဝင်းဇော်၏ ရေကန်ဘုတ်ကိုင်နေရာကို အောင်ဝင်းဇော်ထွက်သွားပြီးနောက် သူနေရာရသည်။
‘‘ကိုယ်က နည်းနည်းဝိုက်တယ်။ သူကများများဝိုက်တယ်’’ ဟု ဦးအောင်စိုးက တဟားဟားရယ်ပြီးပြောသည်။
သူတို့ ရေစက်ကမသေးလှ။ ထိုစဉ်က အောင်ဝင်းဇော်သည် ထောင်ဖောက်ပြေးရန် ကြံစည်မှုအား ဦးအောင်စိုးကို တိုင်ပင်ခဲ့ပြီး အစီအစဉ်မဖြစ်ခဲ့သော်လည်း နှုတ်လုံမှုကြောင့် ဦးအောင်စိုးကို လူသတ်ရန် လာကမ်းလှမ်းသည်ဟု ဦးအောင်စိုးက ယူဆသည်။
ထို့အပြင် ဦးအောင်စိုးသည် နာမည်ကြီးဆရာတော်ဦးဝီရသူနှင့်လည်း မန္တလေးထောင်တွင် ဆုံခဲ့သေးသည်။ ထောင်အတွင်း မတရားမှုများကို ဦးအောင်စိုးက ဘီဘီစီသို့ ဖော်ကောင်လုပ်သည့်ကိစ္စတွင် ဦးဝီရသူတို့က ဆက်သွယ်ပေးခဲ့ခြင်းဖြစ်သည်။ သူ၏ ဖော်ကောင်လုပ်မှုကြောင့် မန္တလေးထောင်ရှိ အရာရှိအချို့နှင့် ဝန်ထမ်းအချို့ ပြောင်းရွှေ့ခံရသည်။ ဦးအောင်စိုး၏ ဖော်ကောင်လုပ်မှုသည် မန္တလေးထောင်တွင် အဆုံးမသတ်ဘဲ မြင်းခြံထောင်အထိ လိုက်ပါလာသည်။
၂၀၁၂ စက်တင်ဘာက သီတဂူဆရာတော်ဘုရားကြီး မြင်းခြံထောင်သို့ ကြွရောက်လာပြီး အကျဉ်းသားများအား တရားအလှူ ပြုလုပ်စဉ်ကဖြစ်သည်။ ရုပ်ရှင်သရုပ်ဆောင်အချို့နှင့် သတင်းထောက်အချို့ပါလာပြီး သတင်းထောက်တစ်ဦးကို မြင်းခြံထောင်၏ အကျင့်ပျက်ခြစားမှုများကို ဖော်ကောင်လုပ်ခဲ့ပြန်သည်။
ထိုသတင်းထောက်၏ ဖုန်းနံပါတ်ကိုယူထားခဲ့ပြီး ထောင်ကလွတ်လာစဉ် သူရေးသည့်စာအုပ်တွင် အဆိုပါသတင်းထောက်အား အမှာစာရေးခိုင်းခဲ့သည်။ သူ၏စာအုပ်သည် သူ၏ထောင်သက်အတွင်း ထောင်အာဏာပိုင်များ၏ ဆိုးရွားမှုများကို အမည်များဖော်ကာ ရေးသားခဲ့သည်။ ခေတ်ဆိုး၊ စနစ်ဆိုးကြောင့် လူဆိုးလူမိုက်များ ပေါများခဲ့ခြင်းဖြစ်ကြောင်း သူ၏ ထောင်အတွေ့အကြုံအရ ပြောသည်။
‘‘ကိုယ်က လူငယ်တွေကို ထောင်ဆိုတဲ့ ငရဲကို မရောက်စေလိုတဲ့ရည်ရွယ်ချက်နဲ့ ထောင်ဆိုတာ ဘယ်လောက်ဆိုးကြောင်း ရေးခဲ့တာ’’ဟု ဦးအောင်စိုးက ဖွင့်ဟသည်။

အင်းစိန် ဖော့ကန်ရှိ ဦးအောင်စိုး၏ စုရတနာဆံပင်ညှပ်ဆိုင်ကို တွေ့ရစဉ်။ (ဓာတ်ပုံ-ကျော်ဇင်သန်း)
သူအလေးစားဆုံးပုဂ္ဂိုလ်သည် ဗိုလ်ချုပ်အောင်ဆန်းဖြစ်ပြီး လက်ရှိတွင် ဒေါ်အောင်ဆန်းစုကြည်ဟုဆိုသည်။ သူတို့ ဇနီးမောင်နှံ၏ အလှပြင်ဆိုင်ကို ‘စုရတနာ’ ဟုပေးနာမည်ပေးထားပြီး ဗေဒင်ဆရာပေးသည့် အမည်သုံးမျိုးထဲမှ ဒေါ်အောင်ဆန်းစုကြည်၏ ‘စု’အမည်ပါ၍ ရွေးခြင်းဖြစ်ကြောင်း လူကြမ်းကြီးကပြောသည်။
ငယ်စဉ်က အိပ်မက်ရေရေရာရာမရှိခဲ့ဘဲ ထောင်ထဲတွင် အချိန်ကုန်ဆုံးခဲ့ရသူက ယခုအချိန်တွင် စာအုပ်တစ်အုပ်ရေးပြီး နောက်စာရေးဆရာအလုပ်ကို မြတ်နိုးသည်ဟု ဖွင့်ဟသည်။ နောက်ထပ်စာအုပ်တစ်အုပ် ထပ်ထုတ်ဦးမည်ဟု သူကဆိုသည်။ ‘ဒုတိယ သေမင်းတမန်လမ်း’ ဟု အမည်ပေးထားကာ သူရဲဘက်စခန်းရောက်စဉ်က ကြုံတွေ့ခဲ့ရသည့် ရန်ကုန်-မန္တလေးအမြန်လမ်းဖောက်လုပ်ခဲ့မှု အတွေ့အကြုံကို ပြန်ရေးမည်ဟုဆိုသည်။ အောင်ဝင်းဇော်ကို ဖော်ကောင်လုပ်ပြီးနောက် နာမည်ကြီးလာသောကြောင့် ယခုအခါ သူ၏ ပထမစာအုပ်က ဝယ်၍ပင်မရတော့ပေ။
‘‘ကိုယ်က စာရေးဆရာဖြစ်လာတော့ တချို့က ဆရာလို့ခေါ်ရင် ကိုယ်အရမ်းဖီးလ်တက်တာ။ ကိုယ့်လိုလူတစ်ယောက် ဆရာအခေါ်ခံရဖို့ဆိုတာ အဝေးကြီးပဲဟာကို။ ဒါကြောင့် ရရှိလာတဲ့ ဂုဏ်နဲ့လျော်ညီအောင်နေရမယ်လေ’’ ဟု အမှောင်မှအလင်းဘက်သို့ ရွေ့လျားလာသူက ဆိုပါသည်။ လက်ရှိိအခြေအနေတွင် ဦးကိုနီအမှုသည် မပြီးပြတ်သေးသဖြင့် နောက်ဆက်တွဲ ဘာတွေဆက်ဖြစ်လာမည်ကို မပြောနိုင်သေးချေ။ သို့သော် လတ်တလောတွင်တော့ ဖော့ကန်တွင် ဆံပင်ညှပ်ပြီး အင်းစိန်အောင်စိုးအမည်ဖြင့် စာရေးသူထောင်ထွက်လူကြမ်းကြီးသည် ‘ဖော်ကောင် အောင်စိုး’ ဟု နာမည်ကြီးနေပြီဖြစ်သည်။
မှတ်ချက်။ ‘ဖော်ကောင်’ ဟု သုံးနှုန်းထားခြင်းသည် အဂါရဝဖြစ်အောင်သုံးစွဲခြင်းမျိုးမဟုတ်ဘဲ အာဇာနည်ခေါင်းဆောင်ကြီးများအား  နိုင်ငံတော်လုပ်ကြံမှုကြီးတွင် ဖော်ကောင်ပြုလုပ်ခဲ့သော ဘညွှန့်ကို ‘ဖော်ကောင်ဘညွှန့်’ ဟု သုံးနှုန်းသကဲ့သို့စာဖတ်သူများအား ပိုမိုဆွဲဆောင်နိုင်ရန် ရည်ရွယ်ခြင်းသာဖြစ်ပါသည်။

credit to http://www.7daydaily.com

Admin Apann Pyay

ApannPyay Website ေပၚတြင္ ေဖာ္ျပတင္ဆက္ေသာ သတင္း၊ ေဆာင္းပါး၊ ဗဟုသုတမ်ားကို မည္သည့္ Facebook စာမ်က္ႏွာ၊ Website မ်ားတြင္မဆို ခြင့္ေတာင္းခံစရာမလိုပဲ မူလ Credit မပါေသာ ပို႔စ္မ်ာကို Credit-ApannPyay ေပးၿပီး ျပန္လည္ကူးယူ မွ်ေ၀ေဖာ္ျပႏိုင္ပါသည္။

0 comments :

Post a Comment

Loading...