======

မိန်းမ မေ့ကျန်ခဲ့ပြီး မိုင် ၆၀ အကွာရောက်မှ သတိရတဲ့သူ




ရယ်စရာကောင်းတဲ့ ကမ္ဘာလှည့် ခရီးသည်တစ်ယောက်ရဲ့ အဖြစ်ပါ။ မေ့တတ်လွန်းတဲ့ ကမ္ဘာလှည့် ခရီးသည်တစ်ယောက်ဟာ ဇနီးဖြစ်သူ ဓာတ်ဆီဆိုင်မှာ ကျန်နေခဲ့တာကို အချိန်အတန်ကြာ သတိမပြုမိခဲ့ဘဲ မေ့နေခဲလို့ ဆူပူကြိမ်းမောင်းခံရပြီး အသည်းအသန် ရှင်းလင်းချက် ပေးခဲ့ရပါတယ်။

ဝေါ်လ်တာလို့ အမည်ရတဲ့ အမျိုးသားက သူ့ရဲ့ ဇနီးနဲ့ သားဖြစ်သူတို့နဲ့အတူ ဘရာဇီးလ်ကို အားလပ်ရက် အလည်အပတ် ခရီးထွက်ခဲ့ပါတယ်။ ဘရာဇီးလ်မှာ လည်ပတ်ပြီးတဲ့နောက် အာဂျင်တီးနားကို ပြန်လာတဲ့ လမ်းမှာ ဓာတ်ဆီဆိုင်ဝင်ပြီး မော်တော်ကား ဆီဖြည့်ခဲ့တယ်လို့ ဆိုပါတယ်။

ဒီမှာတင်ပဲ ဝေါ်တာတစ်ယောက် ကံမကောင်းစွာနဲ့ သူ့ဇနီးကို မေ့ထားခဲ့မိပါတော့တယ်။ ဖြစ်ပုံကတော့ ဒီလိုပါ။ ဝေါ်လ်တာက ကားဆီဖြည့်ပြီးတဲ့နောက် သန့်စင်ခန်းကို သွားခဲ့ပါတယ်။ သန့်စင်ခန်းက ပြန်လာပြီးတဲ့နောက် ဓာတ်ဆီဆိုင်ကနေ ကားမောင်းထွက်ခဲ့ပါတော့တယ်။
ကံဆိုးတာက ဓာတ်ဆီဆိုင်ကနေ ကားမောင်းထွက်ခဲ့စဉ်မှာ ဇနီးဖြစ်သူ ကလော်ဒီယာ ကားပေါ်မှာ မရှိတော့တာကို ဝေါ်တာတစ်ယောက် သတိမပြုခဲ့မိတာပါပဲ။ 

ဝေါ်တာက ကားနောက်ခန်းမှ ဇနီးဖြစ်သူ ပါမလာတာကို သတိမထားမိသလို ရှေ့ခန်းမှာ ထိုင်လိုက်လာတဲ့ အသက် ၁၄ နှစ်အရွယ် သားဖြစ်သူကလည်း စမတ်ဖုန်းသုံးနေတာကြောင့် မိခင် မရှိတော့တာကို မသိလိုက်ပါဘူး။
ဒီလိုနဲ့ သားအဖနှစ်ယောက်တည်း ကားမောင်းထွက်လာခဲ့တာ ဓာတ်ဆီဆိုင်ကနေ မိုင် ၆၀ ခန့်အကွာ ရောက်မှသာ ကလော်ဒီယာ ပါမလာမှန်း သိခဲ့ကြပါတယ်။ ဝေါ်လ်တာရဲ့ ဇနီးဖြစ်သူက သူမ ဓာတ်ဆီဆိုင်မှာ ကျန်နေခဲ့ကြောင်း ဖုန်းဆက်ပြောပေမယ့် ဖုန်းလိုင်း မမိတာကြောင့် ခေါ်ဆိုလို့ မရနိုင်ခဲ့ပါဘူး။

ဝေါ်တာတို့ သားအဖ ဓာတ်ဆီဆိုင်က ထွက်သွားချိန်မှာ ကလော်ဒီယာက ဓာတ်ဆီဆိုင်နဲ့ တွဲလျက် ဖွင့်ထားတဲ့ စတိုးဆိုင်ထဲရောက်နေပြီး မုန့်ဝယ်နေခဲ့တာ ဖြစ်ပါတယ်။ ဝေါ်လ်တာက ကလောဒီယာကို ပြန်လာခေါ်တဲ့အခါ အချိန် ၂ နာရီလောက် ကြာမြင့်ခဲ့ပါတယ်။

ဓာတ်ဆီဆိုင်မျာ သူမ ကျန်ရစ်ခဲ့တာကို အချိန်ကြာမြင့်မှသာ သတိပြုမိတဲ့ ခင်ပွန်းဖြစ်သူကို ကလော်ဒီယာက ဒေါသတကြီး အော်ဟစ်ပြောဆိုခဲ့တယ်လို့  ယာဉ်လမ်းကြောင်း ထိန်းသိမ်းရေး ရဲအရာရှိက ပြောပါတယ်။ ဝေါ်တာခမျာ ဇနီးသည်ကို အတော်လေး ရှင်းပြချော့မော့ခဲ့ရမယ့်ပုံပါပဲ။ ဓူဝံပရိသတ် အမျိုးသားတွေလည်း ကိုယ့်ဇနီးသည်ကို ဒီလိုတော့ မေ့မနေလိုက်ပါနဲ့။

Source: The Telegraph
Credit : Duwun

Admin Apann Pyay

ApannPyay Website ပေါ်တွင် ဖော်ပြတင်ဆက်သော သတင်း၊ ဆောင်းပါး၊ ဗဟုသုတများကို မည်သည့် Facebook စာမျက်နှာ၊ Website များတွင်မဆို ခွင့်တောင်းခံစရာမလိုပဲ မူလ Credit မပါသော ပို့စ်မျာကို Credit-ApannPyay ပေးပြီး ပြန်လည်ကူးယူ မျှဝေဖော်ပြနိုင်ပါသည်။

0 comments :

Post a Comment

Loading...