======

ကျွန်တော်ထောင်ကျနေတဲ့အချိန်က အဖေနဲ့အမေအတွက် ငရဲပါပဲ.. ဆိုတဲ့.. ပြေတီဦး

ကျွန်တော်ထောင်ကျနေတဲ့အချိန်က
အဖေနဲ့အမေအတွက် ငရဲပါပဲ . . . ပြေတီဦး
-------------------------------
မတွေ့တာကြာပြီဖြစ်တဲ့ ကိုပြေကြီးခေါ်
အကယ်ဒမီပြေတီဦးကို ဒါရိုက်တာညိုမင်းလွင်
ဇနီးစန္ဒာလွင်ရဲ့ UK Pre School ကျောင်းဆင်းပွဲမှာ
တွေ့ဆုံခိုက် . . . မြင်ရတဲ့သူတိုင်းကို အေးမြတဲ့
အပြုံးလေးတွေနဲ့ အေးချမ်းစေတဲ့ ကြီးကြီး
ဒေါ်တီတီ(ပြေတီဦးမေမေ)အကြောင်း
စကားလက် ဆုံကျမိတဲ့အခါ . . .
ကိုပြေကြီးမေမေကဖြေဖူးတယ်။ သူ့ဘ၀မှာ
သူ့သားလေးဖြစ်တဲ့ ကိုပြေကြီး က အမြဲတမ်း
ပထမတွေ ယူဆောင်ပေးခဲ့တယ်တဲ့။ သမီးလေး
တစ်ယောက်ပဲရှိပြီး သားအဖြစ်ပထမဆုံး
တော်ခွင့်ရခဲ့တယ်။ အနုပညာအောင်မြင်မှုဆိုတဲ့
အရာကိုလည်း သားကပဲဆောင်ကျဉ်းပေးခဲ့တယ်။
ပြီးတော့ ဒီအရွယ်မှာ လိုချင်နေတဲ့ မြေးလေးတွေ
ကိုလည်း သားကပဲ အရင်ဆုံးမွေးပေးခဲ့တယ်တဲ့ . . .
--------------------------------
အစ်ကို့ဘ၀မှာလည်း အစ်ကိုပိုင်ဆိုင်ခဲ့ရသမျှ
အရာအားလုံးကလည်း အမေ့ကြောင့်ပါပဲ။
ဟိုးငယ်ငယ်ကတည်းက သားလေးနားမှာ
အနီးကပ်နေပြီး ပြုစုပျိုးထောင်ပေးခဲ့တယ်။
သားရဲ့ တွေးတောပုံ၊ စဉ်းစားပုံ၊ သည်းခံတတ်ဖို့၊
ဇွဲရှိဖို့၊ မဖြစ်ဖြစ်အောင်လုပ်တတ်တဲ့စိတ်ရှိဖို့၊
ဂတိတည်ဖို့၊ အချိန်ကိုလေးစားဖို့၊ ကိုယ်ပြောတဲ့
စကားတစ်ခွန်းကို တာဝန်ယူဖို့ ကိုယ်ချင်းစာတတ်ဖို့၊
ကိုယ်ကိုယ်တိုင် မကြိုက်တဲ့အရာကိုသူများကို
မလုပ်မိစေဖို့စသဖြင့် အရာအားလုံးတွေကို
တတွတ်တွတ်နဲ့နားမထောင်ချင်တော့လောက်အောင်
ပြောခဲ့တယ်။ ချုံ့ပြောရရင်တော့ အစ်ကိုပိုင်ဆိုင်
နေတာတွေအားလုံးက မေမေ့ကြောင့်ပါ။ ဒါကတော့
အတိုချုံ့ပြီးပြောလိုက်တာပါ။ အစ်ကို့အနေနဲ့လည်း
အမေ့ကို အမြဲတမ်းဦးစားပေးတယ်။ စိတ်ချမ်းသာ
အောင်ထားတယ်။ အမေဘာလုပ်ချင်လဲ။ အစစအရာရာ
ပြည့်စုံစိတ်ချမ်း သာနေအောင်၊ သူစိတ်သွားတိုင်း
ကိုယ်ပါအောင် စဉ်းစားပြီး အကုန်လုပ်ပေးပါတယ်။
သားနဲ့အမေရဲ့ ထူးခြားမှုတွေက . . .
----------------------------------
အမေကလေ ဘယ်တော့မှအစ်ကို့ကို အပြစ်
မပြောခဲ့ဖူးဘူး။ အမြဲတမ်း ၁၀၀% ယုံကြည်မှု
ရှိပေးခဲ့တယ်။ ဒါဟာ ကမ္ဘာလောကကြီးတစ်ခုလုံးမှာ
အမေ့တစ်ယောက်ထဲဆီမှာပဲ ရှိတဲ့အရာပါ။ တစ်ခါဆို
တစ်ခါမှ အပြစ် မပြောခဲ့ဘူး။ ကြမ်းတမ်းသောစကားနဲ့
မဆုံးမ၊ မပြောဆိုဖူးဘူး။ အမြဲတမ်းနူးညံ့စွာ၊ ချိုသာစွာ
နားဝင်အောင်ပဲပြောတတ်တယ်။ သူဆုံးမတဲ့စကားထဲမှာ
လည်းပါတယ်။ နှုတ်ချိုလျှိုတစ်ပါးတဲ့။ ကြမ်း ကြမ်းတမ်း
တမ်းပြောလည်း ဒီစကားပဲ။ ချိုချိုသာသာပြောလည်း
ဒီစကားပဲ။ ဒါကြောင့် အမြဲတမ်းချိုသာစွာပြောဆို
ရမယ်တဲ့။ အစစအရာရာပေါ့။ တန် ဖိုးမဖြတ်နိုင်တဲ့
အရာအတော်များများ အမေ့ဆီကနေရခဲ့ပါတယ်။
ကိုပြေကြီးမေမေကိုကြည့်ရတာ တအားအေးချမ်းလှ
ပါတယ်။ ရွေး ချယ်ခွင့်မရှိတဲ့ မိဘမှာဒီလိုမိဘမျိုး
တော်ခွင့်ရတဲ့အတွက် . . .
-------------------------------
အမေကအစ်ကိုတို့ဆီက ဘာတစ်ခုမှကို လိုချင်
တပ်မက်မှုမရှိတာ အစ်ကို့ ကိုလည်းတစ်ခါမှ မကန့်ကွက်
ဖူးဘူး။ အရမ်းအောင်မြင်နေတဲ့အချိန် “အမေ
သားမိန်းမယူမယ်ဆိုတော့ “ယူ၊ ငါ့သားစိတ်ချမ်းသာ
ရင်ပြီးရော”တဲ့။ သူများ အမေတွေဆို နှမြောတာတို့
ဘာတို့ ရှိနိုင်တယ်လေ။ ကိုယ့်သားဆိုတော့ အမေ
ကတော့ အရာအားလုံးကိုကျော်ပြီး သား စိတ်ချမ်းသာ
ရင်ပြီးရောတဲ့။ အစ်ကို့အမေက အဲဒီလိုအမေပါ။
ကိုပြေကြီးရဲ့ ညီမလေးဒေါက်တာငွေတီဦးနဲ့တော့
မောင်နှမတွေအမြဲ တတွဲတွဲ တွေ့ပေမယ့် အစ်မကြီး
ဆွေတီဦးကိုတော့ သိပ်မတွေ့ရဘူးနော် . . .
-----------------------------
အစ်မက စင်ကာပူမှာနေတော့ သိပ်မဆုံဖြစ်ကြဘူးပေါ့။
ညီမလေးကတော့ ဒီမှာပဲဆိုတော့ အမြဲတွေ့ဖြစ်တယ်။
သူက ယောက်ျားချောချောရထားတာလေ ( ရယ်လျက်)
ကိုပြေတီဦးဇနီး မအူဝဲ(အိန္ဒြာကျော်ဇင်)နဲ့ ပတ်သက်
ပြီးတော့လည်း ကြီးကြီးက ပြောဖူးပါတယ်။
သားရဲ့ဇနီးက ကြီးကြီးရဲ့သမီးပါပဲ။ ငါ့ကို အမေလို
ချစ်ရင်ကောင်းမှာပဲဆိုတဲ့ မျှော်လင့်ချက်ထက်
ကြီးကြီးကပဲ အရင်ဆုံးသမီးအရင်းလိုချစ်လိုက်တယ်။
မေတ္တာဆိုတာ ရောင်ပြန် ဟပ်တယ်လေတဲ့ . . .
-------------------------------
ဟုတ်တယ်။ အမေက အူဝဲအပေါ်မှာလည်း သမီး
အရင်းအတိုင်းပဲ။ သမီးနှစ်ယောက်နဲ့ တန်းတူပဲချစ်တာပါ။
အူဝဲလည်း ယောက္ခမရတာ ကံကောင်းသလို အမေ
လည်းချွေးမရကံကောင်းခဲ့ပါတယ်။
အမေနဲ့သားပတ်သက်ပြီး ၀မ်းနည်းစရာဖြစ်ဖြစ်၊
ဝမ်းသာစရာဖြစ်ဖြစ် မမေ့နိုင်တဲ့ အမှတ်တရများရှိခဲ့ရင် . . .
--------------------------------------
ရှိတာပေါ့။ အစ်ကိုအသက် ၁၇၊ ၁၈ လောက်က
အစ်ကို့အတွက် အမေတော်တော်ကြီး စိတ်ဆင်းရဲ
ခဲ့ရဖူးတယ်။ အစ်ကို စက်မှုတက္ကသိုလ် စတက်ကာစ
ကပေါ့။ ကျောင်းမှာ အရေးအခင်းဖြစ်တော့
ကျောင်းသားခေါင်းဆောင်တစ်ဦးအနေနဲ့
လှုပ်ရှားဖူးခဲ့တယ်။ တိုက်တိုက်ဆိုင် ဆိုင်
တန်ဆောင်မုန်းလပြည့်နေ့ကြီးမှာ ထောက်လှမ်းရေး
ကနေ အိမ်ကိုလာဖမ်းပါလေရော။ သိတဲ့အတိုင်းပဲလေ။
အဲ့ဒီအချိန်က ထောက်လှမ်းရေးကနေ လာဖမ်းခဲ့ရင်
ဘယ်ကိုခေါ်လို့ခေါ်သွားမှန်းမသိ၊ ဘယ်ရောက်လို့
ရောက်မှန်းမသိနဲ့ စုပ်စမြုပ်စကို ဖြစ်သွားတာလေ။
မိသားစုက ဘယ်လိုက်လို့လိုက်ရမယ်မှန်းမသိ။
အဆက်အသွယ်တွေမရနဲ့ ပျောက်ခြင်းမလှ
ပျောက်သွားတတ်ကြတာလေ။ လမ်းထဲမှာကိုရှိတာ။
ကောင်မလေးတစ်ယောက်ဆို အဖမ်းခံရပြီးကတည်းက
မိသားစုနဲ့ အဆက်အသွယ်ကိုမရှိတော့တာ။
အဲဒါကြောင့် ထောက်လှမ်းရေးကဖမ်းပြီဆို အရမ်းကို
တုန်လှုပ်ကြရတဲ့အချိန်ပေါ့။ အဲ့ဒီအချိန်မှာ အဖမ်းခံ
ရတာလေ။ ကိုယ်လည်းသွားပြီဆိုပြီး မျက်နှာသုတ်ပုဝါ
တို့ သွားပွတ်တံတို့ အင်္ကျီအပိုတို့ ထည့်ခိုင်းနေပြီ။
အဲဒီအချိန် အမေလေ အရမ်းကိုချစ်ဖို့ကောင်းတာ။
ပြုံးပြီးတော့လေ။ သားလေးအတွက် မေမေလိုတာတွေ
ထည့်ပေးလိုက်မယ်နော်။ ဒါက သွားပွတ်တံ၊ ဒါက
မျက်နှာသုတ်ပုဝါဆိုပြီး အိတ်ကလေးနဲ့ထည့်ပေးပြီး
စကားလေးတစ်ခွန်းပဲပြောရှာတယ်။ “သားကို မေမေ
ယုံကြည်တယ်သား။ မေမေ့ဆီ သားပြန်ကိုရောက်လာ
စေရမယ်။ မေမေယုံတယ်နော်။ အမေတို့အတွက်
ဘာမှစိတ်မပူနဲ့။ အေးအေးဆေးဆေးသွားနော်”တဲ့
အဖမ်းခံရတဲ့သူတွေဆိုတာ ကိုယ်တွေထက်ကို
ကျန်ခဲ့မယ့်မိသားစုကိုပဲ ပူတာလေ။ ဘယ်လိုတွေဖြစ်ပြီး
ကျန်ခဲ့ကြမလဲ။ ဘယ်လောက်ထိ ဖြစ်ကြမလဲဆိုတာ
ပဲပူတာ။ ဒီလိုခံစားရမယ်ဆိုတာ အမေကသိတော့
သားကိုပြုံးပြုံးလေးပြောပြီး ထည့်ပေးလိုက်ရှာတယ်။
အစ်ကို့ကိုလာဖမ်းတဲ့ကား ထွက်သွားပြီဆိုတော့မှ
အမေပစ်လဲကျပြီး သတိမေ့သွားရှာတယ်။ သားမသွားခင်
အထိ စိတ်ကို တင်းပြီး သားဖြစ်သူကိုအားပေးရှာတယ်။
နောက်ဆံမတင်းအောင် လွှတ်ပေးလိုက်ရှာတယ်။
အစ်ကိုအဖမ်းခံထားရတဲ့ နှစ်လကျော်အချိန်မှာတော့
အိမ်မှာငရဲပါပဲ။ အစ်ကိုပြန် ထွက်လာမှသိရတာပါ။
နေ့တိုင်းမျက်ရည်နဲ့မျက်ခွက်နဲ့ အရူးမီးဝိုင်းဖြစ်နေရှာတယ်
တဲ့။ တစ်အိမ်သားလုံးရဲ့ ပူပင်သောကပဲပေါ့။
ထောင်နှစ်လကျသွားတယ်ဆိုတော့ အတွေ့အကြုံ
ရသွားတယ်ပေါ့ . . .
----------------
ဟား . .ဟား။ ဒီအတွေ့အကြုံက ဘ၀မှာဘယ်လိုမှ
တန်ဖိုးဖြတ်လို့ မရဘူးလေ။ ပိုက်ဆံပေးပြီးဝယ်လို့
လည်းမရဘူး။ အစ်ကိုထွက်လာတော့ အဖေက
အဲဒီခေတ်ကနော် ပိုက်ဆံငါးသောင်းဆုချ
တယ်(ဟားဟား)။ (အဲ ဒီလို ဖအေဆုချမှန်းလည်း
သိရော ခဏခဏလူစားလဲပြီး လုပ်စားရောမဟုတ် လား။
ဟား . .ဟား လို့ သူငယ်ချင်းဖြစ်တဲ့ ဒါရိုက်တာညိုမင်းလွင်
က လှမ်းစ ပါတယ်။) အေး မင်းစိတ်နဲ့နှိုင်း ကြားလား(ညို
မင်းလွင်ကိုပြန်လှည့်ပြောရင်း) ကိုယ်မှန်တယ်ထင်လို့
ကိုယ်လုပ်ခဲ့တဲ့ အကြောင်းအရာတစ်ခုအတွက်
 အမေစိတ်ဆင်းရဲခဲ့ရတာလေးကတော့ အမှတ်တရပါပဲ
ညီမလေးရယ်။ စိတ်ဆင်းရဲခဲ့ကြပေမယ့် အဖေက
ငါ့သားလုပ်ရပ်အတွက် ဂုဏ်ယူတယ်ဆိုပြီး ဆုချခဲ့တာ
လည်း အမှတ်တရပါပဲ။ (ဒါပဲလေ။ အိမ်မှာနေရင်
ဟိုဟာလိုက် လျော် ဒီဟာလိုက်လျော်ဆို ဒီထက်
ပိုကုန်မှာမို့လို့လေ။ ဒါရိုက်တာညိုမင်းလွင်က
လှမ်းနောက်နေပါသေးတယ်)
ဖေဖေမေမေနဲ့ပတ်သက်ပြီး အမှတ်တရပြောပေးပါဦး . . .
--------------------------------------
ညီမလေး ခုနပြောသလိုပါပဲ။ ဘ၀မှာ မိဘဆိုတာ
ရွေးချယ်ခွင့်မရှိပါဘူး။ ဒီရွေးချယ်ခွင့်မရှိတဲ့ ဘ၀မျိုးမှာမှ
ဒီလိုအဖေမျိုး ဒီလိုအမေမျိုးရဲ့ သားသမီးဖြစ်ရတာ
အစ်ကိုဘ၀ရဲ့အကြီးမားဆုံး ဆုလာဘ်ပါပဲ။
ဒီလိုအဖေမျိုး၊ အမေမျိုးရဲ့ သားဖြစ်ခွင့်ရတာကိုလည်း
အမြဲဂုဏ်ယူနေပါတယ်။
(စင်ပေါ်ကနေ ဖောင်ဒေးရှင်းဥက္ကဋ္ဌအဖြစ်
အမှာစကားပြောကြားပေးဖို့ ဖိတ်ခေါ်နေတာကြောင့်
အင်တာဗျူးကို ဒီမှာပဲအဆုံးသတ်ဖြစ်ခဲ့ပါတယ်)
ဂျူလိုင်မိုး(အိုအေစစ်ဂျာနယ်)

https://www.facebook.com/oasisjournalmyanmar/posts/1386129141410615

Admin Apann Pyay

ApannPyay Website ပေါ်တွင် ဖော်ပြတင်ဆက်သော သတင်း၊ ဆောင်းပါး၊ ဗဟုသုတများကို မည်သည့် Facebook စာမျက်နှာ၊ Website များတွင်မဆို ခွင့်တောင်းခံစရာမလိုပဲ မူလ Credit မပါသော ပို့စ်မျာကို Credit-ApannPyay ပေးပြီး ပြန်လည်ကူးယူ မျှဝေဖော်ပြနိုင်ပါသည်။

0 comments :

Post a Comment

Loading...