======

အိမ်ဖော်လုပ်ဖို့သွားရင်း ကျောက်ကပ်အခိုးခံလိုက်ရတဲ့ အမျိုးသမီး


အရှေ့အလယ်ပိုင်းဒေသ ကျွန်းဆွယ် နိုင်ငံ တစ်နိုင်ငံ ဖြစ်တဲ့ ကာတာ နိုင်ငံတွင် အမျိုးသမီးတစ်ယောက်ဟာ မိသားစုကိုထောက်ပံ့ရန်အတွက် အိမ်ဖော်အဖြစ် အလုပ်လာလုပ်ရင်း နောက်ဆုံးမှာ အလုပ်ပြုတ်သွားရုံသာမက ကျောက်ကပ်ပါအခိုးခံလိုက်ရတဲ့ ဖြစ်ရပ်တစ်ခုဖြစ်ပွားခဲ့ပါတယ်။
ထိုအမျိုးသမီးဟာ အင်ဒိုနီးရှားနိုင်ငံ လွန်ဘော့ မြို့ (Lombok)သူတစ်ယောက်ဖြစ်ပြီး သူမရဲ့ နိုင်ငံရှိ အေဂျင်စီမှ တဆင့် ကာတာနိုင်ငံတွင် အိမ်ဖော်အဖြစ် လုပ်ကိုင်ဖို့ အလုပ်လျှောက်ခဲ့တာ ဖြစ်တယ် လို့သိရပါတယ်။ဆီရီ ရာဘီတက် (Sri Rabitah ) နောက်ဆုံးမှာ ကာတာနိုင်ငံ ဒိုဟာ မြို့ရှိ ပါလက်စတိုင်း မိသားစု တစ်ခုထံတွင် အိမ်ဖော် အလုပ်ကိုရသွားခဲ့ပါတယ်။
ဒါပေမဲ့ ရာဘီတက်ရဲ့ အလုပ်ရှင်တွေဟာ ရာဘီတက်ရဲ့ ဆေးစစ်ချက်ကိုတွေကို မယုံသင်္ကာနဲ့ သေချာစစ်မေးခဲ့ပြီး ကာတာကို ရောက်တော့လည်း ရာဘီတက်မှာ ကူးစက်ရောဂါများရှိမရှိ ဆရာဝန်ဆီ ခေါ်သွားပြီး သေချာ စစ်ဆေးခဲ့ပါတယ်။ထိုအခါမှာ ဆရာဝန်က အိမ်ရှင်တွေကို ရာဘီတက်ဟာ ဖျားနာနေပုံရပြီး ဆေးတစ်ချို့ထိုးရမှာ ဖြစ်တယ် လို့ပြောခဲ့ပါတယ်။ထိုကြောင့် ဆရာဝန်က ရာဘီတက်ကို ဆေးထိုးပေးခဲ့ပြီး ဆေးရုံကုတင်ပေါ်မှာ လှဲအိပ်ခိုင်းခဲ့ပါတယ်။လှဲအိပ်ခဲ့ပြီးနောက်ရာဘီတက်ဟာ သတိမေ့သွားခဲ့ပြီး ပြန်လည်နိုးလာတဲ့ အချိန်မှာ ကျောဘက်မှာ ဒဏ်ရာတစ်ခုနဲ့ နိုးလာခဲ့ပါတယ်။ဘာကြောင့် ဒဏ်ရာရခဲ့တာလဲလို့ သူ့ရဲ့ အလုပ်ရှင်တွေကို မေးတဲ့ အခါမှာလည်း အလုပ်ရှင်များက မရှင်းပြခဲ့ဘူး လို့ဆိုပါတယ်။
ရာဘီတက်ဟာ ဒီလိုနဲ့ အလုပ်လုပ်နေခဲ့ရပြီး တစ်နေ့မှာ သူမရဲ့ ဆီးထဲမှာ သွေးများကို မြင်ခဲ့ရလို့ စိုးရိမ်သွားခဲ့ပေမဲ့ အလုပ်ရှင်များက ဆေးရုံသို့ ခေါ်ပေးရမဲ့ အစား အေဂျင်စီ သို့ ပြန်သွားကာ ရာဘီတက်ဟာ တော်တော်ကျန်းမာရေး မကောင်းတဲ့ အတွက် အလုပ်မလုပ်နိုင်ကြောင်းပြောဆိုခဲ့ပါတယ်။ထိုကြောင့် အေဂျင်စီဟာ ရာဘီတက်ကို ပြန်လည်ခေါ်ပြီး နောက်ထပ် အလုပ်သမားတစ်ယောက်နဲ့ အစားထိုးပေးခဲ့ပါတယ်။
အင်ဒိုနီးရှားကို ရာဘီတက် ပြန်ရောက်တဲ့အခါမှာ သူမရဲ့ နောက်ကျော အောက်ဘက်ပိုင်းက ခဏခဏ နာကျင်နေတဲ့အတွက်ဆရာဝန်နဲ့ပြသခဲ့ပြီးနောက် ဆရာဝန်က ရာဘီတက်ရဲ့ နောက်ကျော နာနေရခြင်းအကြောင်းဟာ ညာကျောက်ကပ်ဟာ မရှိတော့ဘဲ ထိုနေရာမှာ ပြွန်လေးတစ်ခုနဲ့ အစားထိုးထားခဲ့တဲ့အတွက် နာနေရခြင်းဖြစ်တယ် လို့ဆိုခဲ့ပါတယ်။ရာဘီတက်ဟာ ကာတာနိုင်ငံက ပြန်ရောက်လာတာ ၃ နှစ်ရှိနေပေမဲ့ သူမဟာ ကာတာနိုင်ငံက အလုပ်ရှင်တွေကို တရားစွဲလို့ရနိုင်မလားဆိုတာစုံစမ်းနေပြီး အင်ဒိုနီးရှား အစိုးရက လိုက်လံ ဆောင်ရွက်ပေးဖို့ ကြိုးစားနေတယ် လို့သိရပါတယ်။
by Slash (Shwemom)
Ref : Rach Feed

Admin Apann Pyay

ApannPyay Website ပေါ်တွင် ဖော်ပြတင်ဆက်သော သတင်း၊ ဆောင်းပါး၊ ဗဟုသုတများကို မည်သည့် Facebook စာမျက်နှာ၊ Website များတွင်မဆို ခွင့်တောင်းခံစရာမလိုပဲ မူလ Credit မပါသော ပို့စ်မျာကို Credit-ApannPyay ပေးပြီး ပြန်လည်ကူးယူ မျှဝေဖော်ပြနိုင်ပါသည်။

0 comments :

Post a Comment

Loading...