အရက်မူးပြီး ၀က်နဲ့ရန်ဖြစ်ရာမှ ငယ်ပါဝက်အကိုက်ခံရပြီး သေဆုံးခဲ့သူ


မက္ကဆီိကို အနောက်တောင်ပိုင်း San Lucas Ojitlan မြို့မှာနေထိုင်တဲ့ လယ်သမားတစ်ယောက်ဟာ အရက်အလွန်အကျွံမူးနေစဉ် အိမ်မွေးဝက်နဲ့ ခိုက်ရန်ဖြစ်ပွားခဲ့ပါတယ်။ သူဟာ အရက်မူးပြီး ၀က်ကို မဟားဒယား တိုက်ခိုက်ခဲ့ပေမယ့် နောက်ဆုံးတော့ ၀က်ရဲ့ ပြင်းထန်လှတဲ့ ကိုက်ချက်နဲ့ သေဆုံးခဲ့ပါတယ်။
အရက်မူးနေတဲ့အတွက် မိမိခန္ဓာကိုယ် ဟန်ချက်ကိုပင် နိုင်အောင်မထိန်းနိုင်တဲ့ လယ်သမားဟာ လက်ချောင်းသုံးချောင်း အရင် ကိုက်ဖြတ်တာကို ခံခဲ့ရပါတယ်။ ယင်းနောက် ဝှေးစေ့များထွက်သည်အထိ ၀က်က ထပ်မံကိုက်ခဲ့လို့ ရရှိတဲ့ ဒဏ်ရာတွေနဲ့ပင် သေဆုံးသွားခဲ့ကြောင်း မက္ကဆီကိုအခြေစိုက် သတင်းစာတွေက ရေးသားခဲ့ပါတယ်။
မက္ကဆီကို အခြေစိုက် သတင်းစာ El Debate မှာ ဖော်ပြထားချက်အရ အသက် 60 အရွယ်ကိုတောင် ရောက်နေပြီဖြစ်တဲ့ လယ်သမား Miguel Anaya Pablo ဟာ ၀က်ရဲ့ ဆိုးဆိုးဝါးဝါး ကိုက်ခဲမှုကို ခံခဲ့ရပြီး ငယ်ပါနဲ့ လက်ချောင်းသုံးချောင်း ပြတ်တောက်ကာ သေဆုံးခဲ့ရတယ်လို့ ဖော်ပြထားပါတယ်။
သူဟာ ပါတီပွဲတစ်ခုမှ အရက်တွေ အမူးလွန်ပြီး ပြန်လာစဉ်မှာ အိမ်မွေးဝက်ကို စိတ်ဆိုးမာန်ဆိုးနဲ့ ၀င်ရောက်တိုက်ခိုက်ခဲ့ပါတယ်။ သူဟာ ၀က်ခြံထဲမှာ ဒဏ်ရာကြောင့် ဆူညံစွာ အော်ဟစ်နေခဲ့ပြီး၊ သူ့ကို အိမ်နီးနားချင်းတွေက ဆေးရုံကို အမြန်ပို့ပေးခဲ့ပါတယ်။ ပထမတစ်ရက်အထိ သတိလစ်မေ့မျောနေသေးပြီး၊ နောက်ဆုံးမှာတော့ သေဆုံးသွားခဲ့ပါတယ်။ သူရဲ့ ဓာတ်ပုံကိုလည်း မက္ကဆီကိုမီဒီယာတွေကို ဖော်ပြခွင့် သက်ဆိုင်ရာက ကန့်သတ်ထားတယ်လို့ သိရပါတယ်။
နတ်စည်တော် (Shwemom)

Admin Apann Pyay

ApannPyay Website ပေါ်တွင် ဖော်ပြတင်ဆက်သော သတင်း၊ ဆောင်းပါး၊ ဗဟုသုတများကို မည်သည့် Facebook စာမျက်နှာ၊ Website များတွင်မဆို ခွင့်တောင်းခံစရာမလိုပဲ မူလ Credit မပါသော ပို့စ်မျာကို Credit-ApannPyay ပေးပြီး ပြန်လည်ကူးယူ မျှဝေဖော်ပြနိုင်ပါသည်။

0 comments :

Post a Comment

Loading...