======

မိဘကိုချစ်ရင် မရှက်ပါနဲ့


ကျွန်မအလယ်တန်း အထက်တန်း ကျောင်းသူဘဝတုန်းက 
ကျောင်းတက်ရင် အတန်းဖော်သူငယ်ချင်းတွေက မေးကြတယ် 
" နင့်အဖေ ဘာလုပ်လဲ နင့်အမေ ဘာလုပ်လဲ "  လို့မေးရင် 
ကျွန်မအရမ်းအားငယ်ရတယ် ကိုယ့်အဖြစ်ကိုဝမ်းနည်းမိတယ် 

" ငါ့ရဲ့ဖေဖေက စက်ချုပ်တယ် 
ငါ့ရဲ့မေမေက ထမင်းချက်တယ် "  ဆိုတဲ့အဖြေကို 
မရဲမဝံ့ သူငယ်ချင်းတွေကို ဖြေခဲ့ရတယ် 

( " ငါ့ဖေဖေကအင်ဂျင်နယ်ယာ ငါ့မေမေကဒေါက်တာလေ "  ဆိုပြီး 
တချို့သူငယ်ချင်းတွေလို ဂုဏ်ယူဝံ့ကြွားစွာ ခြောဖချင်မိတာပေါ့ရှင် )

ဒါပေမယ့် … တကယ့်လက်တွေ့မှာ 
ကျွန်မအဖေကစက်ချုပ်တယ် ကျွန်မအမေကထမင်းချက်တယ် 

တနေ့တော့ …
" ဖေဖေ … သမီးကိုလေ သူငယ်ချင်းတွေက မေးကြတယ် 
နင့်မိဘတွေက ဘာအလုပ်လုပ်ကြတာလဲ "  တဲ့ 

" ဖြေတော့ … တချို့သူတွေက သမီးကိုနှိမ့်ချတဲ့မျက်လုံးတွေနဲ့ကြည့်ကြတယ် " 

သမီး … သိပ်ရှက်တယ် … ဖေဖေ … သမီးရှက်တယ် 

" သမီးလဲ … သူငယ်ချင်းတွေရဲ့အဖေအမေတွေလို 
အင်ဂျင်နယ်ယာ ဒေါက်တာ ပညာတတ်ဘွဲ့ရတဲ့ 
ဖေဖေမေမေလိုချင်တာပေါ့ " 

အဲဒီအချိန်မှာ ကျွန်မအနားသို့ ဖေဖေတိုးတယ် ကျွန်မပခုံးလေးဖက်ပြီး 

" ဘယ်လိုပြောလိုက်တာလဲ သမီးရေ 
ဖေဖေတို့လည်း ပညာတတ်တွေဖြစ်ချင်ခဲ့တာပေါ့သမီးရေ 
ဘဝပေးမခြေအနေက ဖေဖေတို့ကိုပညာတတ်ဖြစ်ဖို့အခွင့်အရေးမပေးခဲ့ဘူးလေ " 

" ဖေဖေတို့မောင်နှမနှစ်ယောက်ဟာ ပညာတတ်သိပ်ဖြစ်ချင်ခဲ့တာ " 

" အမေကမုဆိုးမ ဆင်းရဲတယ် သူများဆီမှာအငှားခံရတယ် 
စားဝတ်နေရေးအတွက်ပဲ ထမင်းမငတ်အောင်စားခဲ့ရတာ " 

" ဖေဖေတို့ကို ကျောင်းတက်ဖို့ 
ဖတ်စာအုပ်တွေ ဗလာစာအုပ်တွေ မဝယ်ပေးနိုင်ခဲ့ဘူးသမီး " 

" ဖေဖေတို့မောင်နှမနှစ်ယောက်က စာအရမ်းသင်ချင်လို့ 

တောင်ပေါ်က ဟင်းသီးဟင်းရွက်တွေကို သွားခူးပြီးရောင်းတယ် " 

" ဟင်းသီးဟင်းရွက်ရောင်းလို့ … ရတဲ့ပိုက်ဆံကို … စု 

သူများဆီကတဆင့် စာအုပ်အဟောင်းလေးတွေဝယ်ပြီး 

ဖေဖေတို့မောင်နှမနှစ်ယောက် ကျောင်းတက်ခဲ့ရတာ " 

" ဖေဖေတို့ကဆင်းရဲတော့ … ဘယ်သူကမှဂရုမစိုက်ကြဘူး သမီးရေ " 

" စာအုပ်အသစ်တွေမဝယ်နိုင်ဘူး သူများဆီကဝယ်တဲ့စာအုပ်အဟောင်းလေးနဲ့ပဲစာရေးခဲ့ရတာ"

ဆရာကို အမှတ်ခြစ်ဖို့ စာအုပ်သွားထပ်တော့ …

" မင်းဘာစာအုပ်နဲ့ရေးထားတာလဲ! 
ညစ်ပတ်စုတ်ပြတ်သတ်နေတာပဲ ရော့ … ကွာ " ဆိုပြီး 
ဖေဖေ့စာအုပ်ကို ဆရာက လွှင့်ပစ်လိုက်တယ်သမီးရေ 

" စာအုပ်ထဲက စာရွက်လေးတွေ တရွက်စီကွာကြသွားခဲ့တယ် 
ဖေဖေလည်း အရမ်းရှက်လို့ ငိုပြီးစာရွက်လေးတွေကို 
တရွက်ချင်းစီ ပြန်ကောက်ခဲ့ရတယ် " 

အဲဒါနဲ့ … ဖေဖေ … လေးတန်းဖြေပြီး ကျောင်းနားခဲ့ရတယ် သမီးရေ 

" အရွယ်ရောက်လာတော့ 
ဖေဖေစက်ချုပ်ပညာကိုတတ်ကျွမ်းအောင် 
မြို့ကဆရာတယောက်ဆီမှာ သင့်ခဲ့တယ် " 

" သမီးတို့မေမေနဲ့ဖေဖေအိမ်ထောင်ကျတယ် 
သမီးတို့မောင်နှမနှစ်ယောက်ကို 
ဖေဖေတို့မောင်နှမနှစ်ယောက်လို မဖြစ်ရလေအောင် ဖေဖေတတ်တဲ့စက်ချုပ်ပညာနဲ့ 
ပညာတတ်တွေဖြစ်အောင် ပညာသင်ရအောင် ကျောင်းတက်ရအောင် 
ဖေဖေနဲ့မေမေ အတတ်နိုင်ဆုံးကြိုးစားပြီး ထားပေးတယ် " လေ 

ဖေဖေပြောတဲ့စကားတွေကို နားထောင်ရလိုက်တော့ 
ကျွန်မရင်ထဲဝမ်းနည်းပြီး မျက်ရည်တွေ ကျလာတယ် 

ဖေဖေက စကားတခွန်းပဲပြောတယ် 
" ဂုဏ်ယူလိုက်စမ်းပါသမီးရေ … မရှက်ပါနဲ့ 
ငါ့မိဘတွေက ကျောင်းပညာမတတ်ပေမယ့် 
သူတို့တတ်တဲ့အတတ်ပညာ ရှာလို့ရတဲ့ပိုက်ဆံလေးနဲ့  
ငါ့အစ်ကိုကို ဘွဲ့ရအောင် ကျောင်းထားပေးခဲ့တယ် 
ငါ့ကိုလည်း အခုကျောင်းထားပေးနေတယ် ဆိုပြီး 
ပြောလိုက်စမ်းပါသမီးရေ … "  တဲ့လေ ။

တချိန်က … မပြောနိုင်ခဲ့တဲ့စကားတွေကို 

အခုတော့ … 

ဖေဖေ့ကျေးဇူးတွေကြောင့် … ရဲဝံ့စွာပြောနိုင်ခဲ့ပြီ … ဖေဖေ 

သမီး … မရှက်တော့ဘူး … ဖေဖေ 

"" သူငယ်ချင်းတို့ … မိတ်ဆွေတို့ရေ ""

ငယ်ရွယ်တဲ့အချိန်မှာတော့ 
စဉ်းစားဥာဏ် အတွေးအခေါ် ဗဟုသုတ မရှိသေးတဲ့အရွယ်တွေမို့ 
ရှက်တတ်ကောင်းရှက်နိုင်ပါလိမ့်မယ် 

ဒါပေမယ့် … အသက်အရွယ်ကြီးလာလို့ 
စဉ်းစားဥာဏ် အတွေးအခေါ် ဗဟုသုတတွေ ရင့်ကျက်လာတဲ့အခါ 
မရှက်သင့်တာကို … မရှက်ကြပါနဲ့ 
အားမငယ်သင့်တာကို … အားမငယ်ကြပါနဲ့ 

#ဒါကြောင့်___အကျုပ်မိတ်ဆွေတို့___မိဘကိုချစ်ရင်___မရှက်မိပါစေနဲ့။

ဖေဖေ့အတွက် ဖေဖေဖတ်ဖို့ ဖေဖေ့ရဲ့ချစ်သမီးလေး 
ခိုင်စံပယ်မျိုး (ဇီးကွက်)

Admin Apann Pyay

ApannPyay Website ပေါ်တွင် ဖော်ပြတင်ဆက်သော သတင်း၊ ဆောင်းပါး၊ ဗဟုသုတများကို မည်သည့် Facebook စာမျက်နှာ၊ Website များတွင်မဆို ခွင့်တောင်းခံစရာမလိုပဲ မူလ Credit မပါသော ပို့စ်မျာကို Credit-ApannPyay ပေးပြီး ပြန်လည်ကူးယူ မျှဝေဖော်ပြနိုင်ပါသည်။

0 comments :

Post a Comment

Loading...